- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی کے قریب ہوا دھماکا خود کش تھا، رپورٹ
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
- پی ٹی آئی کی لیاقت باغ میں جلسہ کی درخواست مسترد
- پشاور میں صحت کارڈ پر دوائیں نہ ملنے کا معاملہ؛ 15 ڈاکٹرز معطل
- پہلا ٹی20؛ عماد کو پلئینگ الیون میں کیوں شامل نہیں کیا؟ سابق کرکٹرز کی تنقید
- 9 مئی کیسز؛ فواد چوہدری کی 14 مقدمات میں عبوری ضمانت منظور
- بیوی کو آگ لگا کر قتل کرنے والا اشتہاری ملزم بہن اور بہنوئی سمیت گرفتار
- پی ٹی آئی حکومت نے دہشتگردوں کو واپس ملک میں آباد کیا، وفاقی وزیر قانون
- وزیر داخلہ کا کچے کے علاقے میں مشترکہ آپریشن کرنے کا فیصلہ
- فلسطین کواقوام متحدہ کی مکمل رکنیت دینے کا وقت آ گیا ہے، پاکستان
- مصباح الحق نے غیرملکی کوچز کی حمایت کردی
- پنجاب؛ کسانوں سے گندم سستی خرید کر گوداموں میں ذخیرہ کیے جانے کا انکشاف
لانگ مارچ روکنے کے لیے پنجاب میں اہم شاہراہیں بند
پنجاب حکومت نے لانگ مارچ روکنے کے لیے کئی شہروں میں اہم شاہراہوں کو کنٹینر لگاکر بند کردیا جس کے سبب مسافروں کو شدید پریشان کا سامنا ہے۔
پولیس نے پی ٹی آئی کے لانگ مارچ کو روکنے کے لیے لاہور سے اسلام آباد جانے والے تمام راستے بند کردیے جس کے لیے پولیس نے سیکڑوں بسیں اور کنٹینرز پکڑے ہیں۔ پنجاب میں رینجرز بھی طلب کرلی گئی ہے جب کہ لاہور سے مختلف شہروں کو جانے والا ٹرانسپورٹ بھی بند ہے۔
شاہدرہ چوک بند کرنے کے باعث میٹرو بس سروس کو ایم اے او کالج تک محدود کر دیا گیا ہے جبکہ راوی پل کو کینٹینرز لگا کر بند کردیا گیا ہے۔
یہ پڑھیں: پی ٹی آئی کے خلاف پولیس کا کریک ڈاؤن، ڈیڑھ سو سے زائد کارکن گرفتار
کنٹینرز، بسیں پکڑنے پر ٹرانسپورٹرز سراپا احتجاج ہوگئے اور کہا کہ پولیس نے ہماری سیکڑوں بسیں پکڑلیں، سیاسی نورا کشتی میں ہمارا کروڑوں کا نقصان کردیا گیا۔
https://twitter.com/PakistanJannatt/status/1528975950855143424
راولپنڈی میں سڑکیں بند
راولپنڈی جی ٹی روڈ کو اٹک خرد سے 15 کنٹینرز اور 14 ٹریلر کھڑے کرکے بند کردیا گیا ہے۔ نیشل ہائی ویز اینڈ موٹروے پولیس نے کہا ہے کہ راولپنڈی ٹریفک کو متبادل راستہ دیا جارہا ہے، راولپنڈی موٹروے ایم 2 راوی ٹول پلازا سے بند کیا گیا ہے۔
موٹر وے پولیس کے مطابق بابو صابو سے موٹر وے جانے والا ٹریفک روک دیا گیا، ٹریفک کا رخ ایم 2 ٹھوکر نیاز بیگ اور بابو صابو کی جانب کردیا گیا، راولپنڈی جی ٹی روڈ کو دریائے جہلم پل سے بند کردیا گیا ہے۔
لاہور سے راولپنڈی ٹریفک بند کردی گئی ہے، راولپنڈی سے لاہور جانے والا ٹریفک بھی بند کردیا ہے اور اسے متبادل راستے فراہم کیے جارہے ہیں۔ اسی طرح اسلام آباد سے کوٹ مومن موٹروے ایم 2 کو بھی بند کردیا گیا ہے۔
یہ پڑھیں : لانگ مارچ کے راستوں کی بندش پر اسلام آباد ہائیکورٹ بار سپریم کورٹ پہنچ گئی
راولپنڈی اٹک موٹروے ہارون پل کو 8 کنٹینرز لگا کر بند کردیا گیا۔ اٹک حضرو سرکل میں شاہراہیں بند کردی گئی ہیں۔ راولپنڈی چھچھ موٹروے انٹرچینج کو 15 کنٹینرز اور 25 ڈمپرز لگا کر بند کردیا گیا۔ دریں اثنا راولپنڈی کمیٹی چوک انڈر پاس پر کنٹینر لگا کر مری روڈ کو بند کر دیا گیا۔
جڑواں شہروں کے تمام بس اڈے سیل، ٹرانسپورٹ بند، مسافر پریشان
جڑواں شہروں کے تمام بس اڈے سیل کردئیے گئے ہیں۔ پیرودہائی بس اڈہ، فیض آباد، 26 نمبر چنگی بس اسٹاپ بھی سیل کردیا گیا۔ سواں بس ٹرمینل بھی انتظامیہ نے سیل کردیا۔ راولپنڈی انتظامیہ نے ٹرانسپورٹرز کو بسیں سڑکوں پر نہ لانے کی ہدایت کردی جس کے بعد راولپنڈی سے دیگر شہروں کو جانے والی پبلک ٹرانسپورٹ مکمل بند کردی گئی جس کے سبب مسافروں کو شدید پریشانی کا سامنا ہے۔
میٹرو بس سروس 5 بجے کے بعد معطل
اسی طرح انتظامیہ نے میٹرو بس سروس کو شام 5 بجے سے صدر تا فیض آباد پنڈی سکیشن پر معطل رکھنے کا فیصلہ کیا ہے۔ انتظامیہ کا کہنا ہے کہ شام پانچ بجے سے راولپنڈی سکیشن پر میٹرو بس سروس کو بند کردیا جائے گا جب کہ 25 مئی کو جڑواں شہروں میں میٹرو بس آپریشن مکمل طور پر بند رہے گا۔
پشاور موڑ ڈپو خالی کرنے کی ہدایات
میٹرو بس اتھارٹی انتظامیہ کو پشاور موڑ ڈپو بھی خالی کرنے کی ہدایات دی ہیں اور کہا گیا ہے کہ تمام بسیں راولپنڈی صدر سے مریڑھ سکیشن کے ایلویٹیڈ ٹریک یا کسی متبادل جگہ منتقل کیں جائیں گیں، میٹرو سروس کی تمام املاک کی سیکیورٹی مکمل کرلی، سیکیورٹی فراہم کرنے کے لیے ضلعی انتظامیہ اور پولیس سے بھی سفارش کی گئی ہے۔
ڈی آئی خان سے پنجاب جانے والا راستہ بند
ڈی آئی خان میں بھکر انتظامیہ نے کنٹینر کھڑے کرکے ڈیرہ دریا خان پل کو بند کردیا جب کہ ڈیرہ اسماعیل خان ٹانک سے کوئی گاڑی پنجاب میں داخل نہیں ہوسکتی۔
دریائے سندھ کے مقام پر پشاور اسلام آباد موٹروے بند
دریائے سندھ کے مقام پر پشاور اسلام آباد موٹروے کو کنٹینرز لگا کر بند کردیا گیا جس کی وجہ سے مسافروں کو شدید مشکلات کا سامنا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔