- اگلے ماہ مہنگائی کی شرح کم ہو کر 21 سے 22 فیصد کے درمیان رہنے کا امکان
- اقتصادی بحالی اور معاشی نمو کے لیے مشاورتی تھنک ٹینک کا قیام
- اے ڈی ایچ ڈی کی دوا قلبی صحت کے لیے نقصان دہ قرار
- آصفہ بھٹو زرداری بلامقابلہ رکن قومی اسمبلی منتخب
- پشاور: 32 سال قبل جرگے میں فائرنگ سے نو افراد کا قتل؛ مجرم کو 9 بار عمر قید کا حکم
- امیرِ طالبان کا خواتین کو سرعام سنگسار اور کوڑے مارنے کا اعلان
- ماحول میں تحلیل ہوکر ختم ہوجانے والی پلاسٹک کی نئی قسم
- کم وقت میں ایک لیٹر لیمو کا رس پی کر انوکھے ریکارڈ کی کوشش
- شام؛ ایئرپورٹ کے نزدیک اسرائیل کے فضائی حملوں میں 42 افراد جاں بحق
- انٹربینک اور اوپن مارکیٹ میں ڈالر کے مقابلے میں روپیہ مزید مضبوط
- پی ٹی آئی قانونی ٹیم کا چیف جسٹس اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
- اسٹاک مارکیٹ میں اتار چڑھاؤ کے بعد مندی، سرمایہ کاروں کے 17ارب ڈوب گئے
- پشاور بی آر ٹی؛ ٹھیکیداروں کے اکاؤنٹس منجمد، پلاٹس سیل کرنے کے احکامات جاری
- انصاف کے شعبے سے منسلک خواتین کے اعداد و شمار جاری
- 2 سر اور ایک دھڑ والی بہنوں کی امریکی فوجی سے شادی
- وزیراعظم نے سرکاری تقریبات میں پروٹوکول کیلیے سرخ قالین پر پابندی لگادی
- معیشت کی بہتری کیلیے سیاسی و انتظامی دباؤبرداشت نہیں کریں گے، وزیراعظم
- تربت حملے پر بھارت کا بے بنیاد پروپیگنڈا بے نقاب
حکومت فسطائیت کا شکار ہوکر کارکنان کے گھروں پر چھاپے مار رہی ہے، شاہ محمود قریشی
پشاور: پاکستان تحریک انصاف (پی ٹی آئی) نے ملک بھر میں پارٹی رہںنماؤں اور کارکنان کی گرفتاریوں کی شدید الفاظ میں مذمت کرتے ہوئے مطالبہ کیا کہ ملک میں فوری طور پر انتخابات کااعلان کیاجائے ہم عوامی فیصلہ قبول کرینگے۔
پاکستان تحریک انصاف کے سینئر وائس چیئرمین شاہ محمود قریشی اور مرکزی سیکرٹری جنرل اسد عمر نے سابق وفاقی وزیر عمر ایوب کے ہمراہ آفیسرز میس پشاور میں ہنگامی پریس سے خطاب کرتے ہوئے کہا کہ حکومت کی جانب سے جو اقدامات اٹھائے جارہے ہیں وہ فسطائیت کی نشانی ہیں، ہمارے رہنماؤں اور کارکنان کے گھروں پر بلاجواز چھاپے مارے جارہے ہیں۔
پی ٹی آئی رہنماء شاہ محمود قریشی نے کہا کہ حکومت پرامن احتجاج کی راہ میں دیوار کھڑی کرنا چاہتی ہے، احتجاج ہمارا قانونی و جمہوری حق ہے، پی ٹی آئی نے اپنے دورِ حکومت میں کسی کو احتجاج، لانگ مارچ سے نہیں روکا۔ بلاول بھٹو، مریم نواز اور مولانا فضل الرحمن نے لانگ مارچ کیے کوئی رکاوٹ نہیں ڈالی گئی۔
شاہ محمود قریشی نے کہا کہ سیاسی حکومتیں ایک دوسرے کوبرداشت کرتی ہیں، عمران خان کل پشاور سے روانہ ہوں گے اور اسلام آباد پہنچیں گے۔ پی ٹی آئی کے کارکنان چھپ کر پہنچیں، نہیں تو ہر شہر چوک سرینگر ہائی وے بن جائے گا۔
انہوں نے کہا کہ مرکزی حکومت فیصلہ سازی نہیں کرپا رہی، پنجاب مفلوج ہے۔ عوام فیصلہ کرے کہ کس کا بیانیہ درست ہے۔ طاقت کے بل بوتے پر حکومت توچلائی جاسکتی ہے ملک نہیں، اس تمام معاملے میں فوج کے غیر جانبدار رہنے کا خیر مقدم کرتے ہیں اور ہم سمجھتے ہیں کہ تمام اداروں کواپنی آئینی حدودمیں رہتے ہوئے ہی کام کرناچاہیے۔
شاہ محمود نے کہا کہ وزیراعلیٰ پنجاب حمزہ شہباز کی کوئی قانونی حیثیت نہیں وہ قانونی راستہ اپنائیں، ہماری تحریک اب پی ٹی آئی تک محدود نہیں قومی تحریک بن چکی ہے۔ پولیس کو استعمال کرتے ہوئے خواتین اور بچوں کو ہراساں کی جارہاہے مارچ تو ہوگا۔
سابق وزیر خارجہ نے حکومت کو متنبہ کیا کہ اگر ہمیں روکا گیا تو اپنا راستہ بنائیں گے، ملک میں انتخابات کرائے جائیں ہم ہر قسم کے نتائج قبول کرینگے۔ ملک میں شفاف اور غیر جانبدارانہ انتخابات کرائے جائیں، ہم شفاف انتخابات کے لیے حکومت سے بات کرنے کے لیے تیار ہیں۔
اس موقع پر پی ٹی آئی کے مرکزی جنرل سیکرٹری اسد عمر نے کہا کہ ہم اپنے کارکنان کو مبارکباد پیش کرتے ہیں کہ وہ فسطائیت کے خلاف کھڑے ہیں، خوفزدہ امپورٹیڈ حکومت بوکھلاہٹ کاشکار ہے۔ انہوں نے کہا کہ پنجاب میں 75 سالہ ایم پی اے خاتون کو پکڑا گیا جبکہ علامہ اقبال کی بہو کے گھر چھاپا مارا گیا۔ ہماری حکومت نے ملک میں 16 ارب ڈالر کے ذخائر چھوڑے کو اب 6.5 ارب ڈالر سے کم وہ گئے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔