راولپنڈی میں فائرنگ سے دو بچے قتل

راولپنڈی میں اندیکھی گولی کا نشانہ بن کر دو بچے زندگی کی بازی ہار گئے، بچوں کی نعشیں اسپتال منتقل کردی گئیں۔

ایکسپریس نیوز کے مطابق قتل کی اندوہناک واردات راولپنڈی کے تھانہ رتہ امرال کے علاقے چک مدد میں پیش آئی جہاں دو بچے فائرنگ سے قتل ہوئے۔

بچوں کو گولی لگنے کی اطلاع ملتے ہی پولیس موقع پر پہنچی اور بچوں کی نعشوں کو اسپتال منتقل کروایا۔

پولیس ذرائع کا کہنا ہے کہ مقتولین کی عمر چودہ سے پندرہ سال ہے جب کہ ان کی شناخت محمد سدس اور عبدالحسیب کے نام سے ہوئی ہے جو فائرنگ سے زخمی کے بعد دم توڑ گئے۔

پولیس کا کہنا ہے کہ فائرنگ دو فریقین میں جھگڑے کے دوران ہوئی جس کی اطلاع ملتے ہی پولیس نے موقع پر پہنچ کر تفصیلات اکھٹی شروع کردیں۔