شمالی وزیرستان میں پولیو پروگرام سے منسلک مغوی ڈاکٹر ذیشان بازیاب

اسٹاف رپورٹر  جمعرات 26 مئ 2022
فوٹو، ایکسپریس نیوز

فوٹو، ایکسپریس نیوز

میرعلی: شمالی وزیرستان کے علاقے میر علی سے اغوا ہونے والے ڈاکٹر ذیشان کو بازیاب کرا لیا گیا جو پولیو پروگرام سے منسلک ہیں۔

ایکسپریس نیوز کے مطابق ضعلی انتظامیہ کا کہنا ہے کہ 7 دن قبل میرعلی سے اغوا کیے گئے پولیو پروگرام سے منسلک ڈاکٹر ذیشان بازیاب ہوگئے ہیں، ڈاکٹر کی بازیابی میں سیکیورٹی فورسز، ضلعی انتظامیہ اور عمائدین نے کلیدی کردار ادا کیا۔

ضلعی انتظامیہ نے بتایا ہے کہ ڈاکٹر ذیشان صحت مند اور محفوظ ہیں۔

خیال رہے کہ ذیشان پولیو پروگرام سے منسلک ہیں جو شمالی وزیرستان میں اپنی خدمات انجام دیتے ہیں، انہیں سات دن قبل اغوا کیا گیا تھا جو اب بخیریت گھر واپس آچکے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔