جانی ڈیپ اور انکی سابقہ گرل فرینڈ نےامبرہرڈ کے الزامات مسترد کر دیے

ویب ڈیسک  جمعـء 27 مئ 2022
جانی نے گھریلو تشدد اور جنسی ہراسانی کے الزامات کو مضحکہ خیز قرار دے دیا (فائل فوٹو)

جانی نے گھریلو تشدد اور جنسی ہراسانی کے الزامات کو مضحکہ خیز قرار دے دیا (فائل فوٹو)

ورجینیا: جانی ڈیپ اور ان کی سابقہ گرل فرینڈ  امریکی ماڈل کیٹ ماس نے نےامبرہرڈ کے الزامات مسترد کر تے ہوئے انہیں جھوٹا اور بےبنیاد قرار دے دیا۔

غیر ملکی میڈیا رپورٹ کے مطابق ہالی ووڈ کی مشہور زمانہ فلم’پائریٹس آف دی کیریبیئن ‘ کے مرکزی اداکار جانی ڈیپسابقہ اہلیہ، امبر ہرڈ کی جانب سے لگائے گئے گھریلو تشدد اور جنسی ہراسانی کے الزامات کو مضحکہ خیز قرار دے دیا ہے۔

گزشتہ روز سابقہ ​​اہلیہ امبر ہرڈ کے خلاف دائر کیے گئے ہتک عزت کے مقدمے میں عدالت میں بیان ریکارڈ کرواتے ہوئےانہوں نے خود پر لگنے والے الزامات کے جواب میں کہا کہ ’مجھ پر لگائے گئے گھریلو تشدد اور جنسی ہراسانی کے الزمات نہایت سفاکانہ ہیں‘۔

58 سالہ اداکارجانی ڈیپ نے کہا کہ ان سے منسوب یہ سب ہی الزامات غیر حقیقی اور عجیب و غریب کہانیاں ہیں، انہوں نے 7 ججز پر مشتمل بینچ کے سامنے ان الزامات کو خوفناک، مضحکہ خیز، ذلت آمیز،  دردناک،  ناقابل تصور حد تک سفاکانہ اور جھوٹا قرار دیا۔

علاوہ ازیں  جانی کی سابقہ گرل فرینڈ کیٹ ماس  نے بھی کیس کی سماعت کے دوران ویڈیو لنک کے ذریعے جونی کے حق میں گواہی دی۔

انہوں نےسابق بوائے فرینڈ کے اوپر لگنے والے الزامات مسترد کرتے ہوئے کہا کہ ’امبر ہرڈ کی جانب سے جونی ڈیپ پر لگائے گئے الزامات جھوٹے ہیں، اُن کا یہ دعویٰ بھی جھوٹا ہے کہ مجھے جونی نے سیڑھیوں سے دھکا دیا تھا‘۔

کیٹ ماس نے واضح کیا کہ ’جمیکا کے سفر کے دوران میں بارش کے سبب کچھ سیڑھیوں سے نیچے پھسل گئی تھی اور میری کمر میں چوٹ آئی تھی، اس دوران جونی ڈیپ نے میری کافی طبی مدد کی تھی‘۔

انہوں نے جانی کے حق میں گواہی دیتے ہوئے کہا کہ ’امبر ہرڈ کا یہ دعویٰ کرنا بھی غلط اور جھوٹ ہے کہ اُن کی اور میری کہانی ایک جیسی ہے، ہم دونوں ہی جانی  کی جانب سے تشدد کا شکار ہوئیں ہیں یہ الزام سراسر غلط اور  جھوٹ ہے‘۔

 

 

 

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔