امیتابھ بچن کے ہمشکل شہری کی حیران کن ویڈیوز وائرل

بھارتی پروفیسر شاشھی کانت کی شکل ہوبہو بالی ووڈ کے شہنشاہ امیتابھ بچن سے ملتی ہے

ویب ڈیسک جمعـء 27 مئ 2022

فوٹو، فائل

ممبئی: بھارتی شہر پونے سے تعلق رکھنے والے پروفیسر شاشھی کانت کی شکل ہوبہو بالی ووڈ کے شہنشاہ امیتابھ بچن سے ملتی ہے جس کی وجہ سے وہ سوشل میڈیا پر بے حد مقبول ہوچکے ہیں۔

میڈیا رپورٹ کے مطابق امیتابھ بچن کے ہمشکل ہونے کی وجہ سے شاشھی کانت کی متعدد ویڈیوز سوشل میڈیا پر وائرل ہیں اور وہ ہر وقت اداکار کی طرح لباس زیب تن کرتے، انہی کی طرح بال اور فرنچ داڑھی بنواتے ہیں۔ مذکورہ شہری کو دیکھ کر ایسا گمان ہوتا ہے کہ گویا بالی ووڈ کے شہنشاہ سامنے کھڑے ہیں۔ اس حد تک مشابہت دیکھ کر انٹرنیٹ صارفین بھی حیران ہیں۔

سوشل میڈیا صارفین نے مزاحیہ انداز میں تبصرہ کرتے ہوئے کہا ہے کہ فلم سازوں کو چاہیے کہ امیتابھ بچن کی جگہ شاشھی کانت کو کاسٹ کرلیں اس طرح ان بجٹ بھی کم ہوگا اور کافی پیسے بھی بچیں گے۔