پاکستانی فلم ’جوائے لینڈ ‘کانز فلم فیسٹیول میں ایوارڈ جیتنے میں کامیاب

ویب ڈیسک  ہفتہ 28 مئ 2022
ان سرٹن ریگارڈ فیسٹول کا دوسرا سب سے باوقارایوارڈ مانا جاتا ہے(فائل فوٹو)

ان سرٹن ریگارڈ فیسٹول کا دوسرا سب سے باوقارایوارڈ مانا جاتا ہے(فائل فوٹو)

فرانس: پاکستانی ڈائریکٹر،رائٹراوراداکارصائم صادق کی فلم ’’جوائے لینڈ ‘‘ نے فرانس میں جاری کانز فل فیسٹیول کا دوسرا بڑا ایوارڈ اپنے نام کرلیا۔

پاکستانی شارٹ فلم ’’جوائے لینڈ‘‘نے کانز فلم فیسٹیول میں  ان سرٹن ریگارڈ کیٹگری کا جیوری پرائزجیتا ہے جو اس فیسٹول کا دوسرا سب سے باوقارایوارڈ مانا جاتا ہے۔

صائم صادق اور ثروت گیلانی نےاپنی  انسٹااسٹوریزمیں یہ خوشبری فالوورز کے ساتھ شیئرکی، اس سے قبل علینا نے ایوارڈ جیتنے سے قبل فلم کی اسکریننگ کے لمحات کی ویڈیو شیئرکرتے ہوئے دعاکی درخواست بھی کی تھی۔

 

ٹوئٹرپرہیش ٹیگ کے ساتھ جوائے لینڈ ٹاپ ٹرینڈزمیں بھی شامل ہے جس میں  اداکارہ ماہرہ خان اور معروف  شوبز شخصیات سمیت دیگرصارفین اس اعزاز پرخوشی کا اظہار کررہے ہیں۔


جوائے لینڈ کی کہانی ایک خواجہ سرا کی زندگی کے گرد گھومتی ہے، فلم کے پروڈیوسرسرمد کھوسٹ اوراپوروا چرن ہیں جبکہ موسیقی عبداللہ صدیقی نے ترتیب دی ہے ۔ صائم صادق کی اس فیچرفلم کی نمایاں کاسٹ میں ثانیہ سعید، ثناء جعفری، علی جونیجو،علینہ خان، ثروت گیلانی ،راستی فاروق سمیت دیگراداکاروں نے  بہترین اداکاری  کا مظاہرہ کیا.


واضح رہے کہ کانز فلم فیسٹیول میں فیچرڈفلموں کی کیٹیگری صرف 14 فلموں تک محدود ہوتی ہے جن میں جوائے لینڈ کا انتخاب اس لحاظ سے بھی نہایت اہمیت کا حامل رہا کہ یہ کانزمیں میں دکھائی جانے والی پہلی پاکستانی فیچرفلم ہے۔

یاد رہے کہ یہ پہلی مرتبہ نہیں کہ صائم صادق نے بین الاقوامی پلیٹ فارم پر پاکستان کی نمائندگی کی ہو بلکہ اس سے قبل بھی 2019 میں ان کی شارٹ فلم ڈارلنگ وینس اورٹورنٹو فلم فیسٹیول میں نمائش کے لیے پیش کی جاچکی ہیں۔

 

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔