65 سال  سے زائد عمر کے افراد کےحج پر پابندی عائد

ویب ڈیسک  منگل 31 مئ 2022
عازمین کوسعودی عرب آمد سے 48 گھنٹے قبل کرائے گئے کورونا ٹیسٹ کی منفی رپورٹ دکھانا ہوگی،حکام:فوٹو:اے ایف پی

عازمین کوسعودی عرب آمد سے 48 گھنٹے قبل کرائے گئے کورونا ٹیسٹ کی منفی رپورٹ دکھانا ہوگی،حکام:فوٹو:اے ایف پی

ریاض: سعودی عرب نے 65 سال سے زائد عمر کے افراد کے حج کرنے پرپابندی عائد کردی۔

سعودی عرب کی سول ایوی ایشن اتھارٹی کی جانب سے پاکستان سمیت دنیا بھر کے حج 2022 کے عازمین کے لئے نئی سفری ہدایات جاری کردی گئیں۔

ہدایت نامے کے مطابق 65 سال یا اس سے زائد عمر کے افراد کوحج کے لئے آنے کی اجازت نہیں ہوگی۔ عازمین حج کے لئے سعودی وزارت صحت کی منظو کردہ کورونا ویکیسین لگوانا اورسعودی عرب آمد سے 48 گھنٹے قبل منفی کورونا ٹیسٹ رپورٹ دکھانا لازمی ہوگا۔ہدایات پر عمل نہ کرنے والے مسافروں کو سعودی عرب میں داخل نہیں ہونے دیا جائے گا۔

سعودی ایوی ایشن کے مطابق تمام ائیرلائنز کو ہدایت نامے پرسختی سے عمل درآمد کرانے کا کہا گیا ہے اورخلاف ورزی کی صورت میں ائیرلائنز پرجرمانے بھی کئے جائیں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔