پاکستان میں ذی القعدہ کا چاند نظر آگیا

ویب ڈیسک  منگل 31 مئ 2022
ذی القعدہ کے چاند کی شہادتیں موصول

ذی القعدہ کے چاند کی شہادتیں موصول

 لاہور: مرکزی رویت ہلال  کمیٹی نے ذی القعدہ کا چاند نظر آنے کا اعلان کردیا، یکم ذی القعدہ 1443 ہجری یکم جون بروز بدھ کو ہوگی۔

ایکسپریس نیوز کے مطابق ذی القعدہ کا چاند دیکھنے کےلیے مرکزی رویت ہلال کمیٹی کا اجلاس اسلام آباد میں چیئرمین رویت ہلال کمیٹی مولانا عبدالخبیر آزاد کی زیر صدارت منعقد ہوا جس میں ذی القعدہ کا چاند نظر آنے کا اعلان کیا گیا۔

وزارت مذہبی امور کی جانب سے چاند نظر آنے اور یکم ذی القعدہ بروز بدھ ہونے کا نوٹیفکیشن بھی جاری کردیا گیا ہے۔

ذی القعدہ کا چاند دیکھنے کےلیے زونل کمیٹیوں کے اجلاس صوبائی ہیڈکوارٹرز پر ہوئے، جس میں محکمہ موسمیات اور سپارکوں کے نمائندوں نے بھی شرکت کی۔

وزارت مذہبی امور کا کہنا تھا کہ متعدد علاقوں سے چاند نظر آنے کی شہادتیں موصول ہونے کے بعد چاند کی رویت کا شرعی اعلان کیا گیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔