اداکارہ صبا قمر کے اس ہار کی قیمت کتنی ہے؟

کراچی: پاکستان شوبز انڈسٹری کی خوبرو اداکارہ صبا قمر ان دنوں اپنی  آنے والی فلم ’’کملی‘‘ کی پروموشن میں مصروف ہیں اور وہ فلم کے پریمیئر کے لئے پاکستان کے مختلف شہروں کا دورہ کر رہی ہیں۔

ورسٹائل اداکارہ صبا قمر ہمیشہ ہی اپنے فیشن  اور گلیمر کی وجہ سے سب کی توجہ کا مرکز بنی رہتی ہیں، مگر اس مرتبہ اداکارہ نے ٹو پیس سوٹ (پینٹ کوٹ) کے ساتھ  ایک ایسا خوبصورت ہار پہن رکھا ہے جس نے دیکھنے والوں کو اپنے سحر میں جکڑ لیا ہے۔

سوشل میڈیا پر اداکارہ کے اس ہیرو ں سے جڑے ہار کے چرچے اس وقت شروع ہوئے جب اس ہار کو تیار کرنے والے جیولر نے انسٹاگرام اسٹوری پر اس ہار کی قیمت بتائی۔

View this post on Instagram

A post shared by Shazia Anwar (@shaziaanwarahmed9999)

جیولر کے مطابق اس  قیمتی ہار کی قیمت 70 لاکھ روپے ہے ،  قیمت جان کر سوشل میڈیا صارفین بھی دنگ رہ گئے ہیں اور کئی صارفین اداکارہ پر تنقید بھی کر تے نظر آ رہے ہیں، تاہم اداکارہ کالے رنگ کے ٹو پیس میں ملبوس،  ہیروں سے جڑے ہار کو پہنے بےحد خوبصورت لگ رہی ہیں۔

واضح رہےکہ صبا قمر کی فلم ’کملی‘ کو 3جون کو سینما گھروں میں پیش کیا جائے گا، فلم کی کاسٹ میں صبا قمر، ثانیہ سعید، عمیر رانا، عدیل افضل اور نمرہ بُچہ سمیت دیگر اداکار شامل ہیں۔

View this post on Instagram

A post shared by DIVA Magazine Pakistan (@divamagazinepakistan)