یہ کس سپر اسٹار اداکارہ کی تصویر ہے؟

اداکارہ نے اپنے زمانہ طالب علمی کی تصویر شیئر کی جس میں ان کی والدہ اور دوست کو دیکھا جاسکتا ہے

ویب ڈیسک جمعرات 2 جون 2022

فوٹو، انسٹاگرام

ممبئی: بالی ووڈ کی سپر اسٹار اداکارہ پریتی زنٹا نے اپنے زمانہ طالب علمی کی تصویر سوشل میڈیا پر شیئر کردی۔

میڈیا رپورٹ کے مطابق پریتی زنٹا نے سماجی رابطے کی سائٹ انسٹاگرام پر اسکول کے زمانے کی تصویر شیئر کی جس میں ان کی والدہ نل پربھا زنٹا اور دوست اداکارہ شوگن کھنا کو دیکھا جاسکتا ہے۔

اداکارہ نے تصویر کے کیپشن میں لکھا کہ یہ اس وقت کی تصویر ہے جب میں اسکول سے پاس آؤٹ ہورہی تھی اور کالج پڑھنے کا بہت شوق تھا۔

شوگن کھنا نے تصویر پر تبصرہ کرتے ہوئے کہا کہ تم مجھے پھر سے ماضی کے اچھے دنوں میں لے گئی۔ دریں اثنا مداحوں کی جانب سے بھی پریتی کے زمانہ طالب علمی کی تصویر کو پسند کیا گیا۔