ناخلف بیٹے کے ہاتھوں پیڑول چھڑک کر جلائی جانے والی ماں دم توڑ گئی

بیٹے نے والدین کو آگ لگادی۔ فوٹو فائل

---

راولپنڈی کے تھانہ دھمیال کے علاقے میں ناخلف بیٹے کے ہاتھوں پیڑول چھڑک کر جلائی جانے والی ماں دم توڑ گئی۔

ایکسپریس نیوز کے مطابق والدہ مسماتہ رفعت اور والد شبیر احمد کو سگے بیٹے وسیم نے گھریلو جھگڑے پر پیڑول چھڑک کر آگ لگادی تھی جسکا مقدمہ تھانہ دھمیال میں درج کیا گیا۔

دونوں زخمی والدین کو ہولی فیملی اسپتال راولپنڈی کے برن یونٹ میں زیر علاج تھے، جہاں والدہ رفعت زخموں کی تاب نہ لاتے ہوئے دم توڑ گئیں جبکہ شبیر احمد کا علاج جاری ہے جنکی حالت بھی تشویشناک بتائی جارہی ہے۔

مزید پڑھیں: راولپنڈی میں ناخلف بیٹے نے والدین پر پیٹرول چھڑک کر آگ لگادی

ایس ایچ او تھانہ دھمیال کا کہنا ہے کہ ناخلف بیٹے وسیم کو عدالت میں پیش کرکے 4 دن کا ریمانڈ حاصل کرلیا جبکہ مقدمے میں قتل کی دفعات بھی شامل کرلی گئیں ہیں۔