- نیوزی لینڈ ٹیم میں سینئر کھلاڑیوں کی کمی ضرور محسوس ہوگی، مارک چیمپمین
- بلوچستان میں شدید بارشوں کا امکان، محکمہ موسمیات نے الرٹ جاری کردیا
- نیوزی لینڈ کیخلاف سیریز میں بابر اعظم کو آرام کا موقع دے سکتے ہیں، ہیڈکوچ قومی ٹیم
- مشتاق احمد بنگلہ دیش کے اسپن بولنگ کوچ مقرر
- متحدہ عرب امارات میں شدید بارش سے نظام زندگی مفلوج
- ملت ایکسپریس میں تشدد کیس، جاں بحق خاتون کی پوسٹ مارٹم رپورٹ بھی آگئی
- حکومت نے پٹرول مہنگا کرنے کی وجوہات بتادیں
- پی ٹی آئی نے فضل الرحمان کے تحفظات دور کرنے کی یقین دہانی کرادی
- آئی ایم ایف نے پاکستان میں مہنگائی اور بیروزگاری میں کمی کی پیش گوئی کردی
- محمد عامر نے 4 برس بعد قومی ٹیم کی جرسی پہن لی
- ایلون مسک کا ٹیسلا کے 10 فیصد ملازمین کو برطرف کرنے کا فیصلہ
- انٹربینک مارکیٹ میں ڈالر کی قیمت میں 17 پیسے اضافہ
- حکومت نے بجلی کی قیمتوں میں کمی کی درخواست نیپرا میں جمع کرادی
- عید الاضحی کب ہوگی، مصر کے ماہرینِ فلکیات نے بتادیا
- پی سی بی میں اکھاڑپچھاڑ شروع، الیکشن کمیشن اور اسکروٹنی کمیٹی تحلیل
- شوہر کے مبینہ تشدد کا شکار خاتون کا بھارت جانے سے انکار، تحفط فراہم کرنے کا مطالبہ
- کراچی: آٹا سستا ہونے کے باوجود روٹی، نان اور ڈبل روٹی کی قیمت کم نہ ہوسکی
- صدر زرداری کو ہاکی کے امور پر بریفنگ دی جائے گی، شہلا رضا
- کور کمانڈرز کانفرنس کا مسلح افواج کے خلاف منفی پروپیگنڈا پر سخت کارروائی پر اتفاق
- عدالت کے حکم پر لاہور میں حراستی ملزمان کو بخشی خانوں میں کھانا فراہم کیا جانے لگا
وزیراعلیٰ سندھ کا بلدیاتی انتخابات میں خصوصی فورس تعینات کرنے کا حکم
کراچی: وزیر اعلیٰ سندھ نے بلدیاتی انتخابات کے دوران قیام امن کے لیے خصوصی فورس تعینات کرنے کا حکم دے دیا۔
بلدیاتی انتخابات کے انتظامات کا جائزہ اجلاس وزیر اعلیٰ ہاؤس میں منعقد ہوا، جس میں الیکشن کے دوران صوبے میں قیام امن کی صورت حال پر غور کیا گیا۔
وزیر اعلیٰ سندھ نے محکمہ پولیس کو ہدایت کی کہ کسی بھی ہنگامی صورت حال میں کوئیک ری ایکشن فورس (کیو آر ایف) تعینات کرے۔ علاوہ ازیں 26 جون 2022ء کو 4 ڈویژنوں کے 14 اضلاع میں ہونے والے بلدیاتی انتخابات کے دوران امن و امان کو برقرار رکھتے ہوئے تحمل کا مظاہرہ کریں۔
انہوں نے محکمہ داخلہ کو بلدیاتی انتخابات کے دوران اسلحہ کی نمائش کے خلاف دفعہ 144 نافذ کرنے کی ہدایت کی۔ اجلاس میں آئی جی پولیس غلام نبی میمن، وزیراعلیٰ سندھ کے پرنسپل سیکرٹری فیاض جتوئی، سیکرٹری داخلہ سعید منگنیجو، کمشنر کراچی اقبال میمن، ایڈیشنل آئی جی کراچی جاوید اوڈھو اور متعلقہ ڈی آئی جیز نے شرکت کی۔
علاوہ ازیں میرپورخاص، لاڑکانہ، سکھر اور میرپورخاص ڈویژن کے کمشنرز نے بذریعہ وڈیو لنک اجلاس میں شرکت کی۔ وزیراعلیٰ سندھ نے ڈویژنل انتظامیہ اور پولیس سے کہا کہ وہ الیکشن لڑنے والی سیاسی جماعتوں اور گروپوں سے ملاقات کریں اور انہیں ضابطہ اخلاق کے حوالے سے اعتماد میں لیں۔
وزیراعلیٰ سندھ کو بتایا گیا کہ تمام 14 اضلاع میں 8724 پولنگ اسٹیشنز ہیں جن میں سے 1985 کو انتہائی حساس، 3448 کوحساس اور 3291 کو نارمل قرار دیا گیا ہے۔ اس پر وزیراعلیٰ سندھ نے متعلقہ کمشنروں اور پولیس کو ہدایت کی کہ وہ امیدواروں اور ان کی پارٹی قیادت سے بات کریں تاکہ وہ اپنے حامیوں اور کارکنوں کو کنٹرول میں رکھیں۔
آئی جی پولیس غلام نبی میمن نے وزیراعلیٰ سندھ کو بتایا کہ پولنگ اسٹیشنوں پر حساسیت کے پیش نظر 26545 پولیس اہلکار تعینات کیے جائیں گے۔ 1985 انتہائی حساس پولنگ اسٹیشنز پر 9925 پولیس اہلکار، 3448 حساس پولنگ اسٹیشنز پر 10344 اور 3291 نارمل پولنگ اسٹیشنز پر 6276 اہلکار ڈیوٹی سرانجام دیں گے۔
وزیراعلیٰ سندھ کی ہدایت کے مطابق کوئیک ری ایکشن فورس (کیو آر ایف) کے 10644 اہلکاروں کو تعینات کیا جائے گا، اس لیے مجموعی طور پر تعینات کیے جانے والوں کی تعداد 37189 ہو جائے گی۔
آئی جی پولیس نے کہا کہ الیکشن ڈیوٹی کے لیے 4287 لیڈیز پولیس فورس کا بھی انتظام کیا جا رہا ہے۔ وزیراعلیٰ سندھ نے چیف سیکرٹری کو ہدایت کی کہ کسی بھی قسم کی پریشانی سے بچنے کے لیے انتظامات کا جائزہ لیا جائے۔ سید مراد علی شاہ نے آئی جی پولیس کو پولنگ ایریاز میں سی سی ٹی وی نصب گاڑیوں کو متحرک کرنے کی ہدایت کی تاکہ سرگرمیوں پر کڑی نگرانی کی جا سکے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔