چین سے آئندہ دو روز میں 2.3 ارب ڈالر مل جائیں گے، وزیر خزانہ

 اسلام آباد: وزیر خزانہ مفتاح اسماعیل نے دعویٰ کیا ہے کہ چین سے اگلے ایک دو روز میں 2.3 ارب ڈالر موصول ہونے کی توقع ہے۔ 

اس حوالے سے سماجی رابطوں کی ویب سائٹ ٹوئٹر پر وفاقی وزیر خزانہ نے کہا کہ چینی کنسورشیم آف بینکس نے 2.3 ارب ڈالر قرض کی سہولت کے معاہدے پر دستخط کردیے ہیں اور توقع ہے کہ اگلے ایک دو دن میں چائنیز بینکوں کے کنسورشیئم سے طے پانے والے معاہدے کے تحت پیسے پاکستان کو مل جائیں گے۔

انہوں نے کہا کہ اس سے ملک کے ذرمبادلہ کے زخائر میں بہتری آئے گی، پاکستان کی جانب سے قرض کی سہولت کے معاہدے پر گزشتہ روز دستخط کیے گئے تھے۔

وزیر خزانہ کے مطابق معاہدے کے تحت چند دنوں میں رقم پاکستان کو موصول ہوجائے گی، سہولت فراہم کرنے پر چینی حکومت کے شکر گزار ہیں وزارت خزانہ کے حکام کا کہنا ہے کہ اس بار چین کی جانب سے یہ قرضہ ایک فیصد کم ریٹ پر ملا ہے۔

The Chinese consortium of banks has today signed the RMB 15 billion (~$2.3 billion) loan facility agreement after it was signed by the Pakistani side yesterday. Inflow is expected within a couple of days. We thank the Chinese government for facilitating this transaction.

— Miftah Ismail (@MiftahIsmail) June 22, 2022