سدھو کی موت کے بعد ان کا آخری گانا ریلیز ہوتے ہی چھا گیا

آنجہانی گلوکار نے اپنے نئے گانے ’ایس وائی ایل‘ کے بول خود لکھے اور گانا ریلیز ہوتے ہی ہٹ ہوگیا

ویب ڈیسک جمعرات 23 جون 2022

فوٹو: فائل

ممبئی: بھارت میں قتل ہونے والے نامور گلوکار سدھو موسے والا کا آخری گانا ’’ایس وائی ایل‘‘ ان کی موت کے بعد ریلیز کردیا گیا۔

میڈیا رپورٹ کے مطابق سدھو موسے والا کے آفیشل یوٹیوب چینل پر ’’ایس وائی ایل‘‘ کے نام سے ان کا ریکارڈ کیا گانا ریلیز کیا گیا ہے، آنجہانی گلوکار نے قتل ہونے سے قبل یہ گانا گایا تھا۔

رپورٹ میں بتایا گیا کہ مقتول گلوکار نے اس گانے کے بول بھی خود لکھے تھے۔ سدھو کا نیا اور آخری گانا سن کو ان کے مداح جذبات ہوگئے۔ ایک پرستار نے لکھا ’’لیجنڈ کبھی مرتے نہیں‘‘۔ کسی مداح نے کہا کہ دکھ اس کا ہے کہ سدھو وفات پاگیا لیکن خوشی اس بات کی ہمیشہ رہے گی کہ وہ پیدا ہوا تھا۔

ایک اور مداح کا کہنا تھا کہ سدھو مرا نہیں بلکہ اپنی چھوڑی یادوں کی وجہ سے ہمارے درمیان زندہ ہے۔