لاہور میں سسر کے ہاتھوں قتل ہونے والی بہو 26مقدمات میں اشتہاری نکلی

ویب ڈیسک  منگل 28 جون 2022
فوٹو: فائل

فوٹو: فائل

 لاہور: وحدت کالونی میں صلح کے دوران سسر کے ہاتھوں قتل ہونے والی بہو چوری اور لڑائی جھگڑوں کے 26مقدمات میں اشتہاری نکلی۔

پولیس کے مطابق لاہوروحدت کالونی میں مقتولہ شبنم بی بی کو اس کے سسر خضر نے فائرنگ کر کے قتل کردیا، ملزم اور مقتولہ اہل خانہ سمیت ثالث ارشد کے گھر صلح کے لئے جمع تھے۔

پولیس کا کہنا ہے کہ صلح کے دوران دونوں پارٹیوں میں ہونے والے جھگڑے میں خضر کی فائرنگ سے شبنم کو لگنے والی گولی جان لیوا ثابت ہوئی،پولیس کے مطابق مقتولہ چوری اور لڑائی جھگڑوں کے 26 مقمدمات میں اشتہاری تھی۔شبنم کی لاش کو کارروائی کیلئے مردہ خانےمنتقل کردیاگیا ہے۔

ایس پی اقبال ٹاؤن عمارہ شیرازی کے مطابق واقعے کی تمام پہلوؤں سے تفتیش جاری ہے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔