امریکا کا افغانستان کے زلزلہ زدگان کیلیے 55 ملین ڈالر امداد کا اعلان

ویب ڈیسک  بدھ 29 جون 2022
امریکا افغان عوام تک امداد این جی اوز کے ذریعے پہنچائے گا، فوٹو: فائل

امریکا افغان عوام تک امداد این جی اوز کے ذریعے پہنچائے گا، فوٹو: فائل

  واشنگٹن: افغانستان میں آنے والے خوفناک زلزلے کے متاثرین کے لیے امریکا نے پانچ کروڑ اور پچاس لاکھ ڈالر کی امداد کا اعلان کیا ہے۔

عالمی خبر رساں ادارے کے مطابق امریکی وزیر خارجہ انتونی بلنکن نے افغانستان کے زلزلہ زدگان کے لیے 5 کروڑ 50 لاکھ کی امداد کا اعلان کرتے ہوئے کہا ہے کہ افغان عوام کی اب 77 کروڑ سے زائد ڈالرز کی مدد کی جا چکی ہے۔

امریکی وزیر خارجہ نے بتایا انسانی ہمدردی کی بنیاد پر دی گئی امداد طالبان حکومت کو نہیں دیں گے بلکہ افغانستان میں کام کرنے والی این جی اوز کے ذریعے افغان عوام تک پہنچائی جائے گی۔

امریکی وزارت خارجہ کی جانب سے جاری بیان میں مزید کہا گیا ہے کہ امدادی سامان میں پینے کا صاف پانی، متوازن غذا اور صفائی ستھرائی کے لیے استعمال ہونے والی چیزیں فراہم کی جائیں گی۔

واضح رہے کہ پچھلے ہفتے افغانستان میں آنے والے 6.5 شدت کے زلزلے میں ساڑھے گیارہ سو افراد جاں بحق اور 1600 زخمی جب کہ لاکھوں لاپتہ ہوگئے تھے

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔