تحریک انصاف کو پریڈ گراؤنڈ میں جلسے کی اجازت مل گئی

ویب ڈیسک  جمعرات 30 جون 2022
فوٹو فائل

فوٹو فائل

 اسلام آباد: ڈسٹرکٹ مجسٹریٹ اسلام آباد نے پاکستان تحریک انصاف کو پریڈ گراؤنڈ میں جلسے کی اجازت دے دی۔

ایکسپریسن نیوز کے مطابق ڈسٹرکٹ مجسٹریٹ کی جانب سے تحریک انصاف کو پریڈ گراؤنڈ میں جلسے کا این او سی جاری کردیا گیا ہے ساتھ ایس ایس پی کی رپورٹ بھی موجود ہیں میں عمران خان کو لاحق خطرات سے متعلق آگاہ کیا گیا ہے۔

سپریم کورٹ کی ہدایت پر جلسے کے دن اور مقام کا تعین کیا گیا ہے جلسہ کی اجازت صرف پریڈ گراؤنڈ کے مقام کے لیے مشروط ہے۔

این او سی کے مطابق اسلام آباد ہائیکورٹ کے حکم کے تحت سیاسی جماعتیں امن و امان کے حوالے سے تعاون کرنے کی پابند ہیں آئین کے آرٹیکل پندرہ اور سولہ میں دی گئی گارنٹی کے مطابق اجازت دی گئی ہے۔

این او سی میں کہا گیا ہے کہ پی ٹی آئی کے نمائندہ علی نواز اعوان نے تمام قواعد و ضوابط کی پابندی کی یقین دہانی کرائی گئی ہے جلسہ کے موقع پر ایکسپریس وئے اور مری روڈ کو ٹریفک کے لیے کھلا رکھا جائے گا اور جلسہ رات بارہ بجے ختم کرنا ہوگ جب کہ جلسہ گاہ میں مسلح افراد کے داخل ہونے کی اجازت نہیں ہوگی

این او سی میں بتایا گیا ہے کہ ریڈ زون کے ایک کلومیٹر کی حدود میں دفعہ 144 نافذ ہے اور پریڈ گراونڈ جلسے کے آرگنائزر تمام قواعد و ضوابط کی پاسداری کرنے کے پابند ہوں گے۔

این او سی کے مطابق جلسہ میں ڈیک اور اسپیکر کا استعمال قانون کے مطابق ہی ہوسکے گا اور جلسہ آرگنائزر ٹریفک پلان کی پابندی کے لیے تعاون کرنے کے پابند ہوں گے۔

این او سی میں کہا گیا ہے کہ فول پروف سیکورٹی جلسہ کے آرگنائزر اور اسلام آباد پولیس کی مشترکہ ذمہ داری ہوگی اور جلسہ گاہ میں داخل ہونے والوں کی باقاعدہ سیکورٹی چیکنگ ہوگی۔جلسہ گاہ کے اندر اور باہر سہ سہ ٹی وی کیمرے ہوں گے ۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔