- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
- کراچی میں سیشن جج کے بیٹے قتل کی تحقیقات مکمل،متقول کا دوست قصوروار قرار
- غزہ کے اسپتالوں میں اجتماعی قبروں نے اقوام متحدہ کو بھی خوفزدہ کردیا
- ایکس کی اسمارٹ ٹی وی ایپ متعارف کرانے کی تیاری
- جوائن کرنے کے چند ماہ بعد ہی اکثر لوگ ملازمت کیوں چھوڑ دیتے ہیں؟
- لڑکی کا پیار جنون میں تبدیل، بوائے فرینڈ نے خوف کے مارے پولیس کو مطلع کردیا
- تاجروں کی وزیراعظم کو عمران خان سے بات چیت کرنے کی تجویز
- سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
- امریکی یونیورسٹیز میں اسرائیل کیخلاف ہزاروں طلبہ کا مظاہرہ، درجنوں گرفتار
- نکاح نامے میں ابہام یا شک کا فائدہ بیوی کو دیا جائےگا، سپریم کورٹ
کراچی کی مویشی منڈی میں دو کوہان والے اونٹ خریداروں کی توجہ کا مرکز
کراچی: سپرہائی وے پر مویشی منڈی میں عام اونٹوں کے مقابلے میں پستہ قد، فربہ جسامت، چھوٹی گردن اور دو کوہان والے ترکمانستان نسل کے اونٹ خریداروں کی توجہ کا مرکز بن گئے۔
ایکسپریس نیوز کے مطابق شہر قائد لگنے والی ایشیا کی سب سے بڑی سپر ہائی وے مویشی منڈی میں لائے گئے ترکمانستان نسل کے اونٹوں نے خریداروں کی توجہ اپنی جانب مبذول کرالی۔
عام اونٹوں کے مقابلے میں پستہ قد، فربہ جسامت اور چھوٹی گردن والے یہ اونٹ بلوچستان سے فروخت کے لیے کراچی لائے گئے ہیں جن کی قیمت 15 سے 20 لاکھ روپے طلب کی جارہی ہے۔
اونٹوں کے جسم کے مختلف حصوں پر بڑے بال ہیں اونٹ پالنے والوں کے مطابق ان اونٹوں کو ترکمانستانی نسل یا جبل کے اونٹ کہا جاتا ہے جو اپنے بڑے بالوں کی وجہ سے سخت سردی بھی برداشت کرنے کی صلاحیت رکھتے ہیں۔
ترکمانستان نسل کے اونٹ بیچنے والوں کا کہنا ہے کہ یہ اونٹ منگولین اونٹ بھی کہلاتے ہیں۔
رپورٹ کے مطابق اونٹوں کی منڈی میں سندھ پنجاب اور بلوچستان کی دیگر نسلوں کے اونٹ بھی لائے گئے ہیں جن کی قیمت گزشتہ سال کے مقابلے میں تین گنا بڑھ گئی ہے۔
اونٹ فروخت کرنے والوں کا کہنا ہے کہ اونٹوں کی ٹرانسپورٹیشن عام جانوروں کے مقابلے میں مہنگی ہے جبکہ منڈی میں جگہ بھی ایک لاکھ روپے میں ملی ہے جس پر 10 سے 12 اونٹ کھڑے ہیں اونٹ دیگر جانوروں کے مقابلے میں زیادہ چارہ اور پانی استعمال کرتے ہیں اس لیے ان کی قیمت زیادہ ہے۔
دوسری جانب خریداروں کا کہنا ہے کہ اونٹ کی اوسط قیمت جو گزشتہ سال ڈیڑھ لاکھ روپے تھی اس سال تین سے چار لاکھ طلب کی جارہی ہے۔
کراچی سپر ہائی وے مویشی منڈی میں اب تک ساڑھے چار لاکھ مویشی لائے جاچکے ہیں خریداری کے لیے منڈی جانے والوں کا کہنا ہے کہ منڈی بہت تیز ہے بیوپاری منہ مانگی قیمتیں طلب کررہے ہیں جس کی وجہ سے سودے نہیں بن رہے بہت سے شہری پوری رات اور پورا دن بھی گھومنے کے بعد اپنا مطلوبہ یا پسندیدہ جانور تلاش کرنے میں ناکام ہوکر خالی ہاتھ لوٹ رہے ہیں۔
گائے بیلوں کی قیمت بھی گزشتہ سال سے تین گنا زائد قیمت مانگ رہے ہیں۔ بیوپاریوں کا کہنا ہے کہ جانوروں کی ترسیل کی لاگت، انٹری فیس اور منڈی میں جگہ کا کرایہ پانی چارہ مہنگا ہونے کی وجہ سے جانوروں کی قیمت بڑھ گئی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔