بھارت میں مسلمان دکاندار کی انسان دوستی، ہندو ملازم کی آخری رسومات ادا کردیں

محمد رضوان کی دکان پر ہندو ملازم 25 سال سے کام کررہے تھے

ویب ڈیسک پير 4 جولائ 2022

مسلمان دکاندار کی ویڈیو سوشل میڈیا پر وائرل ہوگئی:فوٹو:اسکرین گریب

نئی دہلی: بھارت میں مسلمان ہندو انتہاپسندوں کی نفرت کے باوجود انسانیت اوررواداری کی مثال قائم کررہے ہیں۔

بھارتی ریاست بہار کے شہر پٹنہ میں ایک مسلمان رضوان کی دکان پرکام کرنے والے رام دیو ساہ کا انتقال ہوگیا۔ محمد رضوان اوران کے خاندان نے 25 سال سے اپنی دکان میں ملازمت کرنے والے رام دیو کو گھر کا فرد سمجھتے ہوئے ان کی آخری رسومات ان کے گھر والوں کے ساتھ مل کرادا کیں۔

बिहार में दिखी इंसानियत की मिसाल, मुस्लिम परिवार ने किया हिंदू बुज़ुर्ग का अंतिम संस्कार

◆पटना में मो. रिजवान की दुकान पर स्वर्गीय रामदेव साह पिछले 25 साल से करते थे काम pic.twitter.com/vQtkYUw2ky

— News24 (@news24tvchannel) July 3, 2022

محمد رضوان نے اپنے ہندو ملازم کی فیملی کی مالی امداد بھی کی اورمستقبل میں بھی ان کو تعاون کا یقین دلایا۔

محمد رضوان کی رام دیو کی میت کو آخری رسومات کے لئے لے جاتے ہوئے ویڈیو سوشل میڈیا پروائرل ہوگئی۔ سوشل میڈیا صارفین نے مسلمان خاندان کی انسانیت اورہمدردی کے جذبے کو سراہا۔