بھارتی ریاست پنجاب میں 300 یونٹ استعمال کرنے پر بجلی مفت

ویب ڈیسک  منگل 5 جولائ 2022
وزیر اعلیٰ پنجاب مع اے اے پی پارٹی صدر ارویند کجروال، [فائل-فوٹو]

وزیر اعلیٰ پنجاب مع اے اے پی پارٹی صدر ارویند کجروال، [فائل-فوٹو]

چندی گڑھ: بھارتی ریاست پنجاب میں 300 یونٹ استعمال کرنے پر بجلی مفت کرنے کا فیصلہ کردیا گیا ہے۔

بھارتی میڈیا کے مطابق سیاسی جماعت عام آدمی پارٹی (اے اے پی) نے ریاست پنجاب میں اقتدار میں آنے کے بعد تمام شہریوں کیلئے 300 یونٹ بجلی مفت فراہم کرنے کے اپنے وعدے کو پورا کر دکھایا۔

وزیر اعلیٰ بھارتی پنجاب بھگونت مان نے کہا کہ لوگوں کو اب 300 یونٹس تک مفت بجلی فراہم کی جائے گی۔ انہوں یہ بھی اعلان کیا کہ 31 دسمبر 2021 سے پہلے کے تمام بجلی کے بل معاف کر دیے جائیں گے۔

چیف منسٹر نے واضح طور پر کہا کہ یہ ریاست کے لوگوں کے لئے ایک بڑی راحت ہے جو اب تک بجلی کے بھاری بلوں کی ادائیگی کے لئے رقم نہیں نکال پارہے تھے۔ اب سے تمام صارفین کو 300 یونٹ بجلی مفت ملے گی جس سے عام آدمی کی پریشانیوں میں کمی آئے گی۔ انہوں نے مزید کہا کہ ریاستی حکومت شہریوں سے کیے گئے وعدے پورے کرنے کی پابند ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔