’جیک اسپیرو ‘کے روپ میں بھیک مانگنے والے گداگر کی ویڈیو وائرل

ویب ڈیسک  منگل 5 جولائ 2022
ایک شخص ہوبہو جیک اسپیرو بن کر سڑکوں پر بھیک مانگنے نکل پڑا ہے(اسکرین شاٹ)

ایک شخص ہوبہو جیک اسپیرو بن کر سڑکوں پر بھیک مانگنے نکل پڑا ہے(اسکرین شاٹ)

لاس اینجلس: مشہورِ زمانہ  فلم سیریز ’پائریٹس آف کیریبیئن‘ کے کردار جیک اسپیرو کے روپ میں بھیک مانگنے والے شخص کی ویڈیو رائرل ہوگئی۔

سوشل میڈیا پر وائرل ہونے والی اس ویڈیو کو دیکھ کر صارفین بھی حیران ہیں ویڈیو میں دیکھا جاسکتا ہے کہ ایک شخص ہوبہو جیک اسپیرو بن کر سڑکوں پر بھیک مانگنے نکل پڑا ہے۔

یہ جیک اسپیرو سگنل پر گاڑیوں  کے رُکتے ہی ان کے پاس جاتا اور  دلچسپ انداز میں اپنے کھلونے والی بندوق دکھا  راہ زنی کے انداز میں کر پیسے مانگتا، پیسے لینے  کے لیے وہ اپنا ہیٹ پیش کرتا ہے اور پیسے لے کر مسکراتا ہوا چلا جاتا ہے۔


سوشل میڈیا صارفین  کی جانب سے اس ویڈیو کو خوب پسند  اور شیئر کیا جا رہا ہے اور صارفین اس گداگر کی فنکاری کو خوب سراہا  رہے ہیں کئی لوگوں نے تو  اس کی اداکاری کو بہترین پرفارمنس بھی قرار ددیا ہے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔