عباسی شہید اسپتال میں ڈاکٹروں کا وارڈز اور او پی ڈیز کا بائیکاٹ

ویب ڈیسک  منگل 5 جولائی 2022
اسپتال حکام کی جانب سے دھمکیاں بھی مل رہی ہیں، ڈاکٹرز (فوٹو فائل)

اسپتال حکام کی جانب سے دھمکیاں بھی مل رہی ہیں، ڈاکٹرز (فوٹو فائل)

 کراچی: عباسی شہید اسپتال کے 250 ہاؤس آفیسرز اور پوسٹ گریجویٹس  نے احتجاجاً وارڈز اور او پی ڈیز کا بائیکاٹ کردیا۔

ڈاکٹروں کا کہنا ہے کہ 4 ماہ سے تنخواہوں سے محروم ہیں۔ جب تک کے ایم سی کی جانب سے تنخواہیں جاری نہیں کی جائیں گی، احتجاج جاری رہے گا۔ اس موقع پر ڈاکٹروں نے اسپتال میں نعرے بازی بھی کی۔

ڈاکٹرز کے مطابق صرف یقین دہانیاں کروائی جاتی ہیں لیکن عملی طور پر کچھ نہیں ہو رہا جب کہ اسپتال حکام کی جانب سے دھمکیاں بھی مل رہی ہیں۔ ڈاکٹروں کا کہنا ہے کہ احتجاج ہمارا بنیادی حق ہے، دھمکیوں سے ڈرنے والے نہیں۔

دوسری جانب ڈاکٹروں کی جانب سے وارڈز اور او پی ڈیز کے بائیکاٹ کے باعث مریضوں اور ان کے ساتھ موجود تیمار داروں کو پریشانی کا سامنا کرنا پڑ رہا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔