ق لیگ نے ڈپٹی اسپیکر پنجاب اسمبلی کو اختیارات کی منتقلی کا فیصلہ چیلنج کر دیا

ویب ڈیسک  منگل 5 جولائی 2022
فوٹو فائل

فوٹو فائل

 اسلام آباد: مسلم لیگ ق نے ڈپٹی اسپیکر پنجاب اسمبلی کو اختیارات کی منتقلی کا فیصلہ سپریم کورٹ میں چیلنج کر دیا۔

درخواست میں موقف اپنایا گیا کہ لاہور ہائیکورٹ نے پارلیمان کے اختیارات میں مداخلت کی لیکن آئین کے تحت پارلیمنٹ کے کام میں مداخلت نہیں کی جا سکتی، تمام ادارے اپنی آئینی حدود میں رہنے کے پابند ہیں۔

اسپیکر پنجاب اسمبلی نے اپنے اختیارات رولز کے تحت ڈپٹی اسپیکر کو منتقل کیے تھے، اسپیکر نے اپنے اختیارات واپس لیے جسے لاہور ہائیکورٹ میں چیلنج کیا گیا تھا۔ لاہور ہائیکورٹ نے ڈپٹی اسپیکر سے اختیارات کی واپسی کا فیصلہ کالعدم قرار دیا تھا۔

مسلم لیگ ق کی جانب سے کیس کی جلد سماعت کی درخواست بھی دائر کر دی گئی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔