نوپور شرما کے قتل پرانعام کا اعلان کرنے والے درگاہ اجمیرشریف کے خادم گرفتار

ویب ڈیسک  بدھ 6 جولائی 2022
ہندوانتہاپسند خادم سلمان چشتی کی گرفتاری کا مطالبہ کررہے تھے:فوٹو:فائل

ہندوانتہاپسند خادم سلمان چشتی کی گرفتاری کا مطالبہ کررہے تھے:فوٹو:فائل

نئی دہلی: گستاخانہ بیان دینے والی بی جے پی ترجمان نوپورشرما کے قتل پرانعام کا اعلان کرنے والے درگاہ اجمیر شریف کے خادم کو گرفتارکرلیا گیا۔

بھارتی میڈیا کے مطابق  بھارتی ریاست راجھستان میں اجمیرشریف کی درگاہ کے ایک خادم سلمان چشتی کوگرفتارکرلیا گیا۔ سلمان چشتی نے نوپور شرما کو قتل کرنے والے کواپنا گھر انعام میں دینے کا اعلان کیا تھا۔

پولیس نے سلمان چشتی کو اجمیر میں ان کی رہائش گاہ سے گرفتار کیا۔سلمان چشتی کے خلاف 13 مقدمات بنائے گئے ہیں۔ہندو انتہاپسندوں نے سلمان چشتی کے خلاف مظاہرے کئے تھے اور مسلسل سلمان چشتی کی گرفتاری کا مطالبہ کررہے تھے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔