حجاج کرام کو لے کر جدہ سے دو پروازیں پاکستان پہنچ گئیں

قومی ائرلائن کا بعد از حج آپریشن 13 اگست تک جاری رہے گا (فوٹو فائل)

---

قومی ائرلائن کے بعد از حج آپریشن کا آج سے باقاعدہ آغاز ہوگیا ہے، جس کے تحت دو پروازیں آج علی الصبح حجاج کرام کو لے کر جدہ سے پاکستان پہنچ گئیں۔

ذرائع کے مطابق پی آئی اے کی پہلی پرواز پی کے 732 جمعرات کو علی الصبح ایک بجے جدہ سے کراچی اور دوسری پی کے 739 جدہ سے لاہور صبح 2 بجے پہنچیں۔ ترجمان کے مطابق 14 جولائی کو قومی ائرلائن کی 5 پروازیں جدہ سے کراچی، لاہور، ملتان، اسلام آباد اور پشاور کے لیے شیڈول ہیں۔

یہ خبر بھی پڑھیے: حجاج کرام کی وطن واپسی کا آغاز کل سے ہوگا

پی آئی اے کا حج آپریشن 154 پروازوں پر مشتمل ہوگا، جس کے ذریعے 28 ہزار 80 حجاج کرام وطن واپس پہنچیں گے۔ بعد از حج آپریشن 13 اگست تک جاری رہے گا۔