امارات پاکستانی کمپنیوں میں پورٹ فولیو انویسٹمنٹ پر آمادہ

اسلام آباد: سعودی عرب کے بعد یو اے ای نے بھی پاکستانی کمپنیوں میں پورٹ فولیو انویسٹمنٹ کرنے پر آمادگی ظاہر کردی۔

وزارت خزانہ ذرائع کا کہنا ہے کہ ابتدئی طور پر یو اے ای پاکستان کے اقتصادی ومالیاتی اور انویسٹمنٹ سیکٹر کی مختلف کمپنیوں میں ایک ارب ڈالر کی سرمایہ کاری کرے گا، دوسرے مرحلے میں مزید سرمایہ کاری ہوگی۔

ذرائع کے مطابق اس اقدام سے ملکی اسٹاک مارکیٹ میں بہتری اور شرح مبادلہ میں استحکام آئے گا، اس کے ساتھ ساتھ ملک میں اقتصادی سرگرمیوں میں تیزی اور روزگار کے نئے مواقع پیدا ہونگے۔