- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
سکندر رضا صحتیاب ہوکر پھر رنز کے ڈھیر لگانے لگے
سکندر رضا صحتیاب ہو کر پھر سے رنز کے ڈھیر لگانے لگے،ان کے مطابق صحت کے مسائل سے 90 فیصد تک نجات پاچکا اور مکمل طور پر خطرے سے باہر ہوں۔
بون میرو میں انفیکشن کی وجہ سے ایک موقع پر سکندر رضا صحت کے سنگین مسائل کا شکار ہو گئے تھے مگر علاج کے بعد اب بہتر ہیں، پاکستان کرکٹ کی سب سے بڑی ویب سائٹ www.cricketpakistan.com.pk کو ہرارے سے انٹرویو میں زمبابوین آل راؤنڈر نے کہا کہ میں صحت کے مسائل سے 90فیصد تک نجات پاچکا اور مکمل طور پرخطرے سے باہر ہوں،ڈاکٹر 2سال تک میری صورتحال کو نظر میں رکھیں گے، خون کا ٹیسٹ متواتر کرانا پڑتا ہے،ایم آر آئی اسکین بھی ہوتاہے تاکہ بون میرو میں جو مسئلہ تھا وہ دوبارہ نہ آجائے، گذشتہ ٹیسٹ میں سب کچھ کلیئر آیا تھا، وقت کے ساتھ فٹنس میں مزید بہتری بھی آئے گی۔
ایک سوال پر سکندر رضا نے کہا کہ گرین شرٹس کیخلاف کھیلتے ہوئے کبھی پاکستان کی نمائندگی کا خیال نہیں آیا، دراصل میں تو فائٹر پائلٹ بننا چاہ رہا تھا،سافٹ ویئر انجینئرنگ میں بیچلرز کیا تو فیملی زمبابوے منتقل ہوچکی تھی،میں سوچ رہا تھا کہ ماسٹرز کروں اور کرکٹ میں آگیا، کبھی نہیں سوچا کہ ایسا ہوسکتا تھا، پاکستان کیلیے کھیل سکتا تھا یہ کبھی دل میں نہیں آیا۔
آل راؤنڈر نے کہا کہ پی ایس ایل ایک بڑا قابل قدر ٹورنامنٹ ہے، مجھے اس میں کھیلتے ہوئے بہت کچھ سیکھنے کا موقع ملا،کئی یادگار لمحات تھے،ایونٹ کی کمی محسوس کرتا ہوں،اگلے ٹورنامنٹ کا حصہ بننا میرے اختیار میں نہیں ہے،میں محنت کروں گا،اگر کسی ٹیم کے کمبی نیشن میں جگہ بنی تو ضرور اس موقع سے فائدہ اٹھاؤں گا، اگر ایسا نہ بھی ہوسکا تو کوئی بات نہیں۔
زمبابوین ٹیم کے ڈریسنگ روم کا ماحول اچھا ہے،اعتماد بھی لوٹ آیا
سکندر رضا نے کہا کہ بنگلہ دیش کیخلاف سیریز میں زمبابوے کی پہلی کامیابی بڑی خوش آئند ہے، ہوم گراؤنڈ پر اپنے پرستاروں کے سامنے فتح کی زیادہ خوشی ہوئی، زمبابوین ٹیم کے ڈریسنگ روم کا ماحول اچھا اور کھلاڑیوں کا اعتماد بھی واپس لوٹ آیا ہے،گذشتہ چند سیریز سے انجریز چل رہی تھیں، پلیئرزان سے بھی نجات پانے میں کامیاب ہوئے،ہر کسی کو اپنے کردار کا اندازہ ہوچکا ہے،فی الحال ہمارا پہلا ہدف ورلڈکپ مین راؤنڈ کے لیے کوالیفائی کرنا ہے،آسٹریلیا میں شیڈول ایونٹ کے لیے پلاننگ کریں گے۔
انجری کے بعد بیٹنگ اور بولنگ میں تھوڑی تبدیلیاں کی ہیں
سکندر رضا کا کہنا ہے کہ میں نے بنگلہ دیش کیخلاف ٹی ٹوئنٹی سیریز کی فتح میں رنز، وکٹوں اور کیچز سے حصہ ڈالا، انٹرنیشنل کرکٹ میں ہر کھلاڑی کا ویڈیو اینالسز ہورہا ہوتا ہے،آپ اگر اپنے کھیل میں مسلسل بہتری نہیں لاتے تو پکڑے جاسکتے ہیں، میں نے اپنی بیٹنگ اور بولنگ میں تھوڑی تبدیلیاں کی ہیں،انجری کی وجہ سے بھی انداز تھوڑا تبدیل کرنا پڑا، کندھے کی سرجری کے بعد محسوس ہوا کہ گذشتہ بولنگ ایکشن کارآمد نہیں ہوگا، سنیل نارائن سے رہنمائی ملی، ابتدا میں مشکل ہوئی، اس کے بعد گیند پر گرفت بہتر ہوتی گئی، میرا اکانومی ریٹ بہتر ہوگیا، اچھی بات ہے کہ تبدیلیاں کارآمد ثابت ہوئیں۔
کئی پاکستانی کرکٹرز سے دوستی ہے، شعیب ملک سے مشورے لیتا ہوں
سکندر رضا نے کہا کہ پاکستانی کرکٹرز بہت مصروف ہوتے ہیں،میری ان سے بات ہوتی رہتی ہے،کئی سے دوستی بھی ہے،شعیب ملک سے بہت زیادہ بات ہوتی ہے اور میں ان سے سوالات پوچھتا رہتا ہوں، پاکستانی کرکٹرز اچھے انسان بھی ہیں، کورونا میں جب ٹور کیا تو سب ہماری بڑھ چڑھ کر مدد کرتے رہے، دورئہ پاکستان یادگار رہا تھا۔
انھوں نے کہا کہ اگر رواں سال شیڈول ورلڈکپ میں پاکستان ٹیم سیمی فائنل میں نہ پہنچی تو مجھے حیرت ہوگی،کوئی ایسا انسان نہیں جسے بابر اعظم پسند نہ ہو،مجھے محمد رضوان کو بھی کھیلتے دیکھتا اچھا لگتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔