پاکستان کی غزہ پر اسرائیلی فضائی حملے کی شدید مذمت

 اسلام آباد: پاکستان نے غزہ پر اسرائیل کے فضائی حملوں کی شدید مذمت کی ہے جس کے نتیجے میں ایک پانچ سالہ بچی سمیت متعدد افراد جاں بحق ہوگئے ہیں۔

حملوں کی مذمت کرتے ہوئے دفتر خارجہ (ایف او) کے مطابق اسرائیل کی جانب سے جارحیت کا تازہ ترین سلسلہ ’بین الاقوامی انسانی حقوق اور انسانی قوانین کی مکمل خلاف ورزی ہے اور تل ابیب بے گناہ فلسطینیوں کے خلاف مظالم، غیر قانونی اقدامات اور طاقت کا اندھا دھند استعمال کررہا ہے۔

مزیدپڑھیں: اسرائیل کی غزہ پر وحشیانہ بمباری، 5سالہ بچی سمیت 15 فلسطینی شہید

دفتر خارجہ کی جانب سے عالمی برادری سے مطالبہ کیا گیا کہ وہ اسرائیل پر زور دے کہ تل ابیب ’طاقت کے بے دریغ استعمال اور انسانی حقوق کی صریح خلاف ورزیوں‘ کو فوری طور پر بند کرے اور مزید کہا کہ جارحیت کو فوری طور پر روکنا  ’لازمی‘ ہے۔

وزیراعظم کا اظہار مذمت

دوسری جانب وزیر اعظم شہباز شریف نے غزہ پر تل ابیب کے فضائی حملے کو ’اسرائیلی دہشت گردی‘ قرار دی ہے۔

انہوں نے سماجی روابط کی ویب سائٹ ٹوئٹر پر کہا کہ اگر ظلم کا کوئی چہرہ ہوتا تو یہ اسرائیل ہی ہوتا جس نے نتائج کی پرواہ کیے بغیر فلسطینیوں کو نشانہ بنایا۔

Martyrdom of 10 Palestinians including 5-year-old girl in Gaza is latest act of Israeli terrorism.If impunity & barbarism had a face, it would have been that of Israel, which has targeted Palestinians without any care for consequences.Pakistan strongly condemns Israeli airstrikes

— Shehbaz Sharif (@CMShehbaz) August 6, 2022

عمران خان کا اظہار مذمت

علاوہ ازیں پاکستان تحریک اںصاف (پی ٹی آئی) کے چیئرمین عمران خان نے بھی حملوں کی مذمت کرتے ہوئے عالمی طاقتوں سے اسرائیل کے خلاف کارروائی کا مطالبہ کیا ہے۔

Israeli forces again launched air strikes against besieged Palestinians, incl children,in Gaza, violating all int laws. Israel is trying to use its massive mly power to subjugate the Palestinian ppl & eliminate those who stand up for their rights & for end to Israeli occupation

— Imran Khan (@ImranKhanPTI) August 6, 2022