صوابی میں قبرستان سے تین نوجوانوں کی لاشیں برآمد

ویب ڈیسک  پير 8 اگست 2022
قتل کیے گئے تینوں نوجوانوں کی تصاویر (فوٹو : سوشل میڈیا)

قتل کیے گئے تینوں نوجوانوں کی تصاویر (فوٹو : سوشل میڈیا)

صوابی: خیبرپختون کے ضلع صوابی کے ایک گاؤں میں قبرستان سے تین نوجوانوں کی لاشیں ملی ہیں جنہیں فائرنگ کرکے مار دیا گیا۔

ایکسپریس نیوز کے مطابق خیبرپختون خوا کے شہر صوابی کے کی تحصیل چھوٹا لاہور کے گاؤں جلسی میں قبرستان سے تین نوجوانوں کی لاشیں ملی ہیں جنہیں فائرنگ کرکے قتل کیا گیا۔

لاشیں رات گئے قبرستان کے ایک مقبرے سے برآمد ہوئیں، گاؤں کے مکینوں نے انہیں دیکھ کر پولیس کو اطلاع دی جس نے پہنچ کر لاشوں کو پوسٹ مارٹم کے لیے ٹی ایچ کیو اسپتال منتقل کردیا۔ پولیس کے مطابق تینوں نوجوانوں کو فائرنگ کرکے قتل کیا گیا۔

پولیس کے مطابق واقعے کی تحقیقات جاری ہیں، تفتیش شروع کردی گئی ہے، پوسٹ مارٹم رپورٹ سے مزید پیش رفت سامنے آئے گی۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔