بنی گالہ کے باہر پی ٹی آئی کارکنان کا میڈیا نمائندے پر تشدد، کیمرا توڑ دیا

رضوان غلزئی  منگل 9 اگست 2022
فوٹو اسکرین گریپ

فوٹو اسکرین گریپ

 اسلام آباد: پاکستان تحریک انصاف کے رہنما فیصل جاوید کی پریس کانفرنس کے دوران پی ٹی آئی کارکنان نے میڈیا نمائندے پر تشدد کی اور کیمرا توڑ دیا۔

ایکسپریس نیوز کے مطابق پی ٹی آئی رہنما عمران خان کی رہائش گاہ بنی گالہ کے باہر میڈیا سے گفتگو کرنے آئے تو وہاں موجود کارکنان مشتعل ہوگئے اور پھر بدنظمی ہوئی۔

پی ٹی آئی کارکنان نے پیچھے ہٹانے پر میڈیا نمائندے کو دھکے دیے جبکہ کیمرا مین پر تشدد کر کے اُس کا کیمرا بھی توڑ دیا۔

فیصل جاوید بدنطمی کی وجہ سے میڈیا سے گفتگو کیے بغیر واپس چلے گئے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔