- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
لبنان؛ رقم نہ دینے پر مسلح شخص نے بینک عملے اور صارفین کو یرغمال بنا لیا
بیروت: لبنان میں مسلح شخص نے اپنی منجمد کی جانے والی رقم کا مطالبہ کرتے ہوئے فیڈرل بینک آف لبنان میں موجود افراد کو یرغمال بنا لیا۔
غیر ملکی خبر رساں اداروں کے مطابق لبنان میں جاری مالیاتی بحران کی وجہ سے بینکوں نے رقوم منجمد کرتے ہوئے اپنے صارفین کو محدود رقم نکانے کی اجازت دے رکھی ہے، جس کی وجہ سے لوگ شدید مشکلات کا شکار ہیں۔
مقامی سکیورٹی ذرائع کے مطابق جمعرات کو ایک شخص مغربی بیروت کے علاقے میں واقع مرکزی بینک کی برانچ میں اسلحہ سمیت داخل ہوا اور اپنے اکاؤنٹ میں موجود تقریباً 2 لاکھ ڈالر کا مطالبہ کیا۔ بینک عملے کی جانب سے خطیر رقم دینے سے انکار پر اس نے چیخنا شروع کردیا اور بتایا کے اس کے عزیز اسپتال میں ہیں۔
عینی شاہدین کے مطابق جیسے ہی اس شخص نے اپنی بندوق نکالی تو کچھ صارف بینک سے نکلنے میں کامیاب ہو گئے، تاہم کئی صارفین بینک کے اندر پھنس گئے۔ مسلح شخص نے بینک کا دروازہ بند کیا۔ وزارت داخلہ کے مطابق مسلح شخص نے ایک معمر شخص کو بینک سے باہر جانے کی اجازت دی۔ مقامی میڈیا کے مطابق واقعے کے دوران مسلح شخص نے دو فائر بھی کیے اور اپنی رقم واپس دینے کا مطالبہ کیا۔
بعد ازاں حکومتی نمائندوں کی ٹیم نے مسلح شخص سے بات چیت شروع کی، تاہم آخری اطلاعات تک مزید صورت حال کی تفصیل سامنے نہیں آئی۔
واضح رہے کہ 2019 سے لبنان میں مالیاتی بحران جاری ہے، جس کی وجہ سے کمرشل بینکوں نے اپنے صارفین کی رقوم منجمد کرکے محدود رقم نکالنے کی اجازت دے رکھی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔