- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ کو مسترد کردیا
- جب سے چیف جسٹس بنا کسی جج نے مداخلت کی شکایت نہیں کی، چیف جسٹس فائز عیسیٰ
- چوتھا ٹی ٹوئنٹی: پاکستان کا نیوزی لینڈ کے خلاف ٹاس جیت کر فیلڈنگ کا فیصلہ
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
- غزہ کی اجتماعی قبروں میں فلسطینیوں کو زندہ دفن کرنے کا انکشاف
- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
سندھ میں بلدیاتی انتخابات میں تاخیر کیخلاف درخواستوں پر حکومت سے جواب طلب
کراچی: سندھ ہائیکورٹ نے سندھ میں دوسرے مرحلے میں بلدیاتی انتخابات کرانے میں تاخیر سے متعلق جماعت اسلامی اور پی ٹی آئی کی درخواستوں پر فریقین کو 22 اگست تک تحریری جواب جمع کرانے کا حکم دیدیا۔
چیف جسٹس سندھ ہائیکورٹ جسٹس احمد علی شیخ کی سربراہی میں دو رکنی بینچ کے روبرو سندھ میں دوسرے مرحلے میں بلدیاتی انتخابات کرانے میں تاخیر سے متعلق جماعت اسلامی اور پی ٹی آئی کی درخواستوں کی سماعت ہوئی۔
پی ٹی آئی کے وکیل راج علی واحد ایڈوکیٹ نے موقف دیا کہ الیکشن کمیشن نے 24 جولائی کو ہونے والے بلدیاتی انتخابات جان بوجھ کر ملتوی کیئے۔
عدالت نے ریمارکس دیئے کہ اس دن سے شہر میں موسلادھار بارش ہوئی، جس کے دوران انتخابات ہوتے تو آپ ووٹ کاسٹ کرنے جاتے؟
وکیل پی ٹی آئی نے کہا کہ اس دن عدالتیں کھلی ہوئیں تھیں ووٹنگ کا عمل ہوتا تو میں ضرور ووٹ کاسٹ کرنے جاتا۔
جماعت اسلامی کے وکیل عثمان فاروق ایڈوکیٹ نے موقف دیا کہ ایڈمنسٹریٹر کراچی سیاسی مفادات کے لیے سرکاری مشینری استعمال کررہے ہیں۔ مرتضی وہاب کو سرکاری مشینری استعمال کرنے سے روکا جائے۔
ڈپٹی اٹارنی جنرل نے موقف دیا کہ بلدیاتی انتخابات سے متعلق سپریم کورٹ میں 15 اگست کو درخواست کی سماعت ہوگی۔ جماعت اسلامی کے وکیل نے موقف دیا کہ 28 اگست کو بلدیاتی انتخابات کی دوبارہ تاریخ مقرر کی گئی ہے، ہم فوری بلدیاتی انتخابات چاہتے ہیں۔ الیکشن کمیشن نے بیلٹ پیپرز ریٹرننگ افسران کو بھیج دیئے تھے۔ بیلٹ پیپرز ان کے پاس ہیں اور وہ دھاندلی کرسکتے ہیں۔
تحریک انصاف کے وکیل نے موقف اپنایا کہ بیلٹ پیپرز کو محفوظ بنانے کا حکم دیا جائے۔ چیف جسٹس نے ریمارکس دیئے کہ فریقین کا جواب آنے دیں ہر چیز کا تفصیلی جائزہ لیں گے۔ بیلٹ پیپرز کی نگرانی کے لیے ہم ناظر تو مقرر کرنے سے رہے۔
وفاقی اور صوبائی حکومت نے جواب جمع کرنے کے لیے مہلت طلب کرلی۔ عدالت نے فریقین کو 22 اگست تک تحریری جواب جمع کرانے کا حکم دیدیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔