- روس کا جنگی طیارہ سمندر میں گر کر تباہ
- ہفتے میں دو بار ورزش بے خوابی کے خطرات کم کرسکتی ہے، تحقیق
- آسٹریلیا کے انوکھے دوستوں کی جوڑی ٹوٹ گئی
- ملکی وے کہکشاں کے درمیان موجود بلیک ہول کی نئی تصویر جاری
- کپتان کی تبدیلی کے آثار مزید نمایاں ہونے لگے
- قیادت میں ممکنہ تبدیلی؛ بورڈ نے شاہین کو تاحال اعتماد میں نہیں لیا
- ایچ بی ایف سی کا چیلنجنگ معاشی ماحول میں ریکارڈ مالیاتی نتائج کا حصول
- اسپیشل عید ٹرینوں کے کرایوں میں کمی پر غور کر رہے ہیں، سی ای او ریلوے
- سول ایوی ایشن اتھارٹی سے 13ارب ٹیکس واجبات کی ریکوری
- سندھ میں 15 جیلوں کی مرمت کیلیے ایک ارب 30 کروڑ روپے کی منظوری
- پی آئی اے نجکاری، جلد عالمی مارکیٹ میں اشتہار شائع ہونگے
- صنعتوں، سروسز سیکٹر کی ناقص کارکردگی، معاشی ترقی کی شرح گر کر ایک فیصد ہو گئی
- جواہرات کے شعبے کو ترقی دیکر زرمبادلہ کما سکتے ہیں، صدر
- پاکستان کی سیکنڈری ایمرجنگ مارکیٹ حیثیت 6ماہ کے لیے برقرار
- اعمال حسنہ رمضان الکریم
- قُرب الہی کا حصول
- رمضان الکریم ماہِ نزول قرآن حکیم
- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
پاکستانی ایتھلیٹ شجر عباس دو نئے ریکارڈز سے محروم
کراچی: پاکستان کے ایتھلیٹ شجرعباس اپنے دو نئے قومی ریکارڈز سے محروم ہوگئے ہیں۔
ایکسپریس نیوز کے مطابق پانچویں اسلامی یکجہتی گیمز میں ابتدائی تین یوم کی مختصر فاصلوں کی دوڑوں کے نتائج غلط قرار دے دیے گئے جس کے بعد پاکستان کے شجرعباس اپنے دونوں نئے قومی ریکارڈز سے محروم ہوگئے۔
موصولہ اطلاعات کے مطابق ترکی کے شہرقونیہ میں جاری گیمز کے ٹیکنیکل ڈیلیگیٹ نے موقف اپنایا ہے کہ ابتدائی تین دنوں میں ہونے والے مقابلوں خاص طور پر مختصر فاصلے کی دوڑوں میں کچھ بہت بہترین نتائج دیکھنے میں آئے تھے۔
بعدازاں طے شدہ طریقہ کار کے مطابق اسٹارٹ انفارمیشن سسٹم اور فوٹیج فنش کے اصول اپناتے ہوئے ہر مقابلے کےآغاز اور اختتام کی ٹائمنگ اور آفیشل نتائج کی درستگی کے لیے اضافی اقدامات کرتے ہوئے جانچ کی گئی،چوتھے دن انٹرنیشنل آفیشلز نے نتیجہ اخذ کیا کہ کہ اسٹارٹ سسٹم کے برقی آلات میں تکنیکی خرابی کے باعث نتائج کودرست نہیں قرار دیا جاسکتا ہے۔
انٹرنیشنل آفیشلز نےتمام شواہد کو سامنے رکھتے ہوئے ماہرین سے صلاح مشورے کے بعد طے کیا کہ پہلے تین دن کے نتائج کی تصدیق کرنا ممکن نہیں ، لہذاعالمی ایتھلیٹکس فیڈریشن اور متعلقہ اداروں کو مطلع کردیا گیا ہے کہ ابتدائی تین دنوں کے نتائج درست نہیں تسلیم نہیں کیے جاسکتے اور وہ عالمی رینکنگ کے لیے ریکارڈ کا حصہ نہیں ہوں گے، تاہم اسلامی یکجہتی گیمزکے میڈلزاس سے اثر انداز نہیں ہوں گے۔
دریں اثنا اس فیصلے کی روشنی میں پاکستان کے ایتھلیٹ شجرعباس اپنے دو نئے قومی ریکارڈز سے محروم ہوگئے، شجرعباس نے گیمز کی 100 میٹر کی دوڑ میں 10.25 سیکنڈز اور 200 میٹرز کی دوڑ میں 20.68 سیکنڈز کے ساتھ نئے ریکارڈز بنائے تھے۔
قبل ازیں انہوں نے کامن ویلتھ گیمز میں 10.38 سیکنڈز کے ساتھ نیا قومی ریکارڈ قائم کیا تھا جو اب قومی ریکارڈ تصورہوگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔