- کچے میں ڈاکوؤں کو اسلحہ کون دیتا ہے؟، سندھ پولیس نے تحقیقات کا آغاز کردیا
- ڈاکٹروں نے بشریٰ بی بی کی ٹیسٹ رپورٹس نارمل قرار دے دیں
- دوسرا ٹی ٹوئنٹی: پاکستان کا نیوزی لینڈ کیخلاف ٹاس جیت کر فیلڈنگ کا فیصلہ
- جعلی حکومت کو اقتدار میں رہنے نہیں دیں گے، مولانا فضل الرحمان
- ضمنی انتخابات میں پاک فوج اور سول آرمڈ فورسز کو تعینات کرنے کی منظوری
- خیبرپختوا میں گھر کی چھت گرنے کے واقعات میں دو بچیوں سمیت 5 افراد زخمی
- درجہ بندی کرنے کیلئے یوٹیوبر نے تمام امریکی ایئرلائنز کا سفر کرڈالا
- امریکی طبی اداروں میں نسلی امتیازی سلوک عام ہوتا جارہا ہے، رپورٹ
- عمران خان کا چیف جسٹس کو خط ، پی ٹی آئی کو انصاف دینے کا مطالبہ
- پہلی بیوی کی اجازت کے بغیر دوسری شادی، شوہر کو تین ماہ قید کا حکم
- پشاور میں معمولی تکرار پر ایلیٹ فورس کا سب انسپکٹر قتل
- پنجاب میں 52 غیر رجسٹرڈ شیلٹر ہومز موجود، یتیم بچوں کا مستقبل سوالیہ نشان
- مودی کی انتخابی مہم کو دھچکا، ایلون مسک کا دورہ بھارت ملتوی
- بلوچستان کابینہ نے سرکاری سطح پر گندم خریداری کی منظوری دیدی
- ہتھیار کنٹرول کے دعویدارخود کئی ممالک کو ملٹری ٹیکنالوجی فراہمی میں استثنا دے چکے ہیں، پاکستان
- بشریٰ بی بی کا عدالتی حکم پر شفا انٹرنیشنل اسپتال میں طبی معائنہ
- ویمن ون ڈے سیریز؛ پاک ویسٹ انڈیز ٹیموں کا کراچی میں ٹریننگ سیشن
- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا میں طوفانی بارشوں سے ہلاکتیں 59 ہوگئیں، 72 زخمی
- امریکا کسی جارحانہ کارروائی میں ملوث نہیں، وزیر خارجہ
حکومت کے ساتھ بیک ڈور مذاکرات نہیں کریں گے، فواد چوہدری
اسلام آباد: پی ٹی آئی کے رہنما فواد چوہدری نے کہا ہے کہ انتخابات کو مؤخر کرنا غیر آئینی ہے، مذاکرات اگر ہوں گے تو صرف انتخابات کے لیے ہوں گے کوئی بیک ڈور بات چیت نہیں کریں گے۔
اسلام آباد میں میڈیا سے گفتگو کرتے ہوئے فواد چوہدری نے کہا کہ پی ٹی آئی اجلاس میں متفقہ طور پر شہباز گل کے معاملے پر مذمت کی گئی، مخالفین کوشش میں ہیں کہ انہیں اغوا کرکے پمز پہنچادیا جائے، انہیں ٹارچر کرنے کی کوشش ہورہی ہے، شہباز گل کو یوم عاشور پر گرفتار کیا گیا، عمران خان نے شیری مزاری کو ہدایت دی ہے اس معاملے کو پوری دنیا میں اٹھایا جائے۔
انہوں نے کہا کہ رانا ثناء اللہ نے روایت ڈالی ہے کہ بچوں اور خواتین پر تشدد کیا جائے، ہم نے فیصلہ کیا ہے جمرات کو ملک بھر میں آزادی صحافت کا دن منایا جائے گا، تحریک انصاف آزدای صحافت کے لیے باہر نکلے گی، اسی طرح کوشش کی جارہی ہے کہ عدلیہ کو تقسیم کیا جائے اسی لیے ہم پیر کو عدلیہ کی آزادی کا دن منائیں گے۔
فواد چوہدری نے کہا ہے کہ عمران خان ملک بھر میں جلسے کریں گے، حکومت کے خاتمے کے لیے ملک گیر مہم کا آغاز کیا جا رہا ہے، عمران خان دس ستمبر تک ملک گیر دورے کریں گے، 19 اگست کو کراچی اور 20 اگست کو حیدر آباد میں عمران خان جلسوں کا آغاز کریں گے۔
رہنما تحریک انصاف نے کہا کہ انتخابات کو مؤخر کرنا غیر آئینی ہے، مذاکرات اگر ہوں گے تو صرف انتخابات کے لیے ہوں گے کوئی بیک ڈور بات چیت نہیں کریں گے تمام مذاکرات عوام کے سامنے ہونے چاہئیں۔ ایک سوال پر انہوں نے کہا کہ آصف زرداری پہلے سندھ حکومت بچائیں بعد میں پنجاب آئیں۔
قبل ازیں اسلام آباد کچہری میں میڈیا سے گفتگو کرتے ہوئے فواد چوہدری نے کہا کہ یہ ظلم کی انتہا ہے جو شہباز گل کے ساتھ ہو رہا ہے لیکن یاد رکھیں پوری پارٹی شہباز گل کے ساتھ کھڑی ہے، میرے لیے چونکا دینے والی بات ہے کہ ہائی کورٹ سے نوٹس جاری ہوگئے ہیں، یہ صرف ٹارچر کرنے کے لیے یہ ریمانڈ لینا چاہتے ہیں۔
انہوں نے کہا کہ شہباز گل کیس میں حکومت بھاگ رہی ہے اور حکومت کے وکیل دلائل دینے کے لیے تیار نہیں، یہ معاملہ جلد حل کی طرف جانا چاہیے تشدد کسی صورت بھی نہیں بنتا۔
فواد چوہدری نے کہا کہ یہ مقدمہ وہی ہے جو نواز شریف، مولانا فضل الرحمان اور مریم صفدر نے کہا تھا، اس دن عاشور تھا اور سب کو پتا ہے موبائل چل ہی نہیں رہے تھے۔
انہوں نے کہا کہ شہباز گل اوورسیز پاکستانی ہے اس کے دہشت گرد تنظیموں سے تعلق نہیں ہیں کیونکہ شہباز گل کمزور ہے اس لیے اس پر مقدمہ بنایا گیا۔
پی ٹی آئی رہنما فواد چوہدری کا کہنا تھا کہ حکومت نے 75 کروڑ لگا کر انتہائی بھونڈا پروگرام کروایا، وہ ترانہ جو ہم نے شروع کیا تھا وہ کام انہوں نے مکمل کیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔