شہباز گل سے ریمانڈ میں زبردستی جھوٹے بیانات لیے جائیں گے، عمران خان

 بدھ 17 اگست 2022
فوٹو فائل

فوٹو فائل

پی ٹی آئی کے چیئرمین عمران خان نے شہباز گل کو دوبارہ پولیس ریمانڈ پر بھیجنے پر گہری تشویش کا اظہار کرتے ہوئے اسے پی ٹی آئی کیخلاف سازش قرار دے دیا۔

سماجی رابطے کی سائٹ ٹویٹر پر اپنے پیغام میں عمران خان نے لکھا کہ ’شہباز گل کو دوبارہ پولیس ریمانڈ پر بھجوائے جانے پر گہری تشویش ہے، اغوا کے بعد نامعلوم مقام پر منتقلی اور پھر تھانے لائے جانے کے دوران کئے گئے تشدد کے نتیجے میں اس کی ذہنی حالت اور جسمانی صحت نہایت خراب ہے۔

عمران خان نے لکھا کہ ’یہ بھی سازش کا حصہ ہے، جس کے ذریعے مجھے اور تحریک انصاف کو نشانہ بنانے کیلئے ہمارے خلاف اسی طرح زبردستی جھوٹے بیانات حاصل کئے جائیں جس طرح یہ سوشل میڈیا کارکنان کیخلاف کررہے ہیں۔


پی ٹی آئی چیئرمین نے کہا کہ یہ سب ناقابلِ قبول ہے، ہم شہبازگِل پر تشدد ہی کیخلاف نہیں بلکہ اپنےخلاف کی جانےوالی ہر ماورائے آئین وقانون کارروائی کے تدارک کیلئے تمام ممکنہ قانونی اور سیاسی اقدامات اٹھائیں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔