- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
- ایرانی صدر کا دورہ کراچی، کل صبح 8 بجے تک موبائل سروس معطل رہے گی
- ایرانی صدر ابراہیم رئیسی کی کراچی آمد، مزار قائد پر حاضری
- مثبت معاشی اشاریوں کے باوجود اسٹاک مارکیٹ میں مندی کا رجحان
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
سرکاری زمین پر قبضے کا معاملہ؛ حلیم عادل شیخ گرفتاری کے بعد جیل منتقل
کراچی کی انٹی انکروچمنٹ عدالت نے اپوزیشن لیڈر سندھ حلیم عادل شیخ کو جوڈیشل ریمانڈ پر جیل بھیجنے اور 8 ستمبر کو دوبارہ پیش کرنے کا حکم دیدیا۔
ایکسپریس نیوز کے مطابق کراچی میں اینٹی انکروچمنٹ عدالت کے روبرو اپوزیشن لیڈر سندھ حلیم عادل شیخ کیخلاف سرکاری زمین پر قبضے سے متعلق مقدمے کی سماعت ہوئی،، جس میں اینٹی انکروچمنٹ حکام نے بتایا کہ حلیم عادل پر سرکاری زمین پر قبضے کا الزام ہے، ملزم تحقیقات میں شامل نہیں ہورہے ہیں اور 12 نوٹسز جاری کرنے کے باوجود وہ بیان ریکارڈ کرانے نہیں آئے۔
انکروچمنٹ حکام کے بیانات سننے کے بعد عدالت نے حلیم عادل شیخ کی ضمانت منسوخ کردی، جس کے بعد اینٹی انکروچمنٹ پولیس نے حلیم عادل شیخ کو گرفتار کرنے کی کوشش کی تو وکلا نے روک دیا۔
وکلا کا کہنا تھا کہ آپ لوگ کمرہ عدالت میں گرفتار نہیں کرسکتے جس پر تفیتیشی افسر نے کہا کہ ہم تھانے لے جارہے وہاں بیان قلمبند کرکے جیل بھیج دینگے۔
وکلا سے بحث کے بعد تفتییشی افسر نے عدالت سے رجوع کیا، تو حلیم عادل شیخ کے وکلا نے عدالت سے مقدمے کی سماعت آج ہی کرنے درخواست کی۔
وکلا نے مؤقف اپنایا کہ حلیم عادل شیخ سرینڈر کررہے ہیں، عدالت جیل بھیجنے کا حکم جاری کرے، کیس میں چالان جمع ہوچکا ہے اور چالان کے بعد عدالت جیل بھیجنے کا حکم جاری کرسکتی ہے۔
وکلا نے درخواست کی کہ حلیم عادل شیخ کا بیان کمرہ عدالت میں لینے کا تفیتیشی افسر کو حکم دے جس پر عدالت نے استدعا منظور کرتے ہوئے ریمارکس دیئے کہ آئندہ سماعت پر فرد جرم عائد کی جائیگی۔
تفیتیشی افسر نے کمرہ عدالت میں حلیم عادل شیخ کا بیان قلمبند کیا، بیان ریکارڈ کرنے کے بعد پولیس نے حلیم عادل شیخ کو سینٹرل جیل منتقل کردیا۔
حلیم عادل شیخ کو بکتر بند میں سینٹرل جیل منتقل کیا گیا، اس دوران کارکنوں کی بڑی تعداد عدالت کے باہر موجود تھی جنہوں نے بکتر بند کو روکنے کی کوشش کی جسے پولیس نے ناکام بنادیا۔
عدالت کے باہر انتظامیہ کی جانب سے نقص امن کے خدشے کے پیش نظر پولیس کی بھاری نفری تعینات کی گئی تھی۔
اس سے پہلے حلیم عادل شیخ نے عدالتی احاطے میں غیر رسمی گفتگو میں کہا کہ ہم بھاگنے والوں میں سے نہیں ہیں، ہم نے عدالت کو لکھ کردیا ہے کہ ہم سرینڈر کررہے ہیں۔
فردوس شمیم نقوی نے کہا کہ ایک شریف آدمی اور اپوزیشن لیڈر کو گرفتار کیا جارہا ہے، پورے شہر کی پولیس ایک منتخب نمائندے کو پکڑنے کے لئے جمع کردی گئی ہے۔
رپورٹ کے مطابق اینٹی انکروچمنٹ عدالت نے اپوزیشن لیڈر حلیم عادل شیخ کی ضمانت بعد از گرفتاری کی درخواست پر فریقین سے 19 اگست تک جواب طلب کرلیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔