راحت فتح علی خان کی متنازعہ ویڈیو نے سوشل میڈیا پر تہلکہ مچا دیا

کراچی: پاکستان کے معروف گلوکار راحت فتح علی خان کی متنازعہ ویڈیو وائرل ہونے  کے بعد گلوکار کے خلاف کئی سوالات کھڑے ہوگئے۔

سوشل میڈیا پر راحت فتح علی خان کی ایک مختصر ویڈیو وائرل ہو رہی ہے جس میں وہ ایک زائد العمر شخص کے کندھے پر ہاتھ رکھ کر انہیں اپنی جان کہتے ہوئے دکھائی دے رہے ہیں۔

ویڈیو میں راحت فتح علی خان ضعیف العمر شخص کو کہتے سنائی دیتے ہیں کہ ’حاجی اقبال نگیبی ان کی جان اور نصرت فتح علی خان ہیں‘۔

Inappropriate video of #RahatFatehAliKhan leaked – Please share your thoughts! pic.twitter.com/4bajwh4gkq

— Showbiz & News (@ShowbizAndNewz) August 16, 2022

گلوکار مزید کہتے ہیں کہ وہ ایک ہیں اور ہمیشہ ایک رہیں گے اور انہیں کوئی ہاتھ لگائے گا تو گلوکار انہیں ہاتھ لگانے والوں کو نہیں چھوڑیں گے۔

بظاہرایسا لگتا ہے کہ گلوکار اس ویڈیو کے زریعے کسی کو پیغام دینا چاہتے ہیں جبکہ ویڈیو میں راحت فتح علی خان کے بولنے کے انداز سے محسوس ہوتا ہے کہ گلوکار غشی کی حالت میں ہیں تاہم سوشل میڈیا صارفین  اور ناقدین کی جانب سے  ان پر سنگین الزام عائد کیا جا رہا ہے کہ گلوکار نے شراب نوشی کر رکھی ہے۔

راحت فتح علی خان کی ویڈیو پر کچھ سوشل میڈیا صارفین نے کمنٹس کرتے ہوئے دعویٰ کیا کہ انہوں نے گلوکار کو ایک کنسرٹ میں بھی نشے کی حالت میں دیکھا تھا۔