اعظم سواتی کا کرپٹ لوگوں کے سر قلم کرنے کا مطالبہ

ویب ڈیسک  جمعرات 18 اگست 2022
(فوٹو: انٹرنیٹ) سی ڈی اے اور ایف بی آر کرپشن کی جڑ ہیں، پی ٹی آئی رہنما

(فوٹو: انٹرنیٹ) سی ڈی اے اور ایف بی آر کرپشن کی جڑ ہیں، پی ٹی آئی رہنما

 اسلام آباد: سینیٹر اعظم سواتی نے کیپیٹل ڈویلپمنٹ اتھارٹی (سی ڈی اے) اور فیڈرل بورڈ آف ریونیو (ایف بی آر ) کو کرپشن کی جڑ قرار دیتے ہوئے کرپٹ لوگوں کے سر قلم کرنے کا مطالبہ کردیا۔

پی ٹی آئی کے سینیٹر اعظم سواتی نے سی ڈی اے اور ایف بی آر کو کرپشن کی جڑ قرار دیتے ہوئے کہا کہ ہماری حکومت بھی ان کے خلاف کاروائی کرنے میں ناکام رہی،کرپٹ لوگوں کے سر قلم کئے جانے چاہیے۔

انہوں نے کہا کہ شہباز گل کے ساتھ جو ہوا سب نے دیکھا، آج وہ اپنی سانسوں کے لئے لڑ رہا ہے، ملک میں ایک فاشسٹ حکومت قابض ہے، شہباز گل پر تشدد کا مقصد اپنی مرضی کا بیان ریکارڈ کروانا ہے تاکہ پی ٹی آئی اور عمران خان سے منسلک کیا جاسکے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔