- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
عمران خان جتنا جھوٹ بولتے ہیں اگر اتنی محنت کرلیتے تو حالات بہتر ہوتے، وزیراطلاعات
اسلام آباد: وفاقی وزیر اطلاعات مریم اورنگزیب نے کہا ہے کہ عمران خان جتنی محنت جھوٹ بولنے میں کرتے ہیں اگر حکومت میں کرلیتے تو صورت حال مختلف ہوتی۔
پاکستان تحریک اںصاف(پی ٹی آئی) کے چیئرمین عمران خان کے حالیہ خطاب پر ردعمل میں اسلام آباد میں پریس کانفرنس کرتے ہوئے وزیراطلاعات نے کہا کہ عمران خان صرف قوم کو گمراہ کررہا ہے کیونکہ اُس کا کام ہی فتنہ پھیلانا اور الزام تراشی ہے، آج اُس کے منہ سے میڈیا کی آزادی کی باتیں مذاق سے کم نہیں ہیں۔
دوران پریس کانفرنس نے کہا کہ عمران خان نے اپنے 4 برس میں صحافیوں پر تشدد کیا اور ان کے پروگرام بند کئے۔ عمران خان اگر معاشی حالات کو بہتر کرنے میں توانائیاں صرف کرتے تو عوام کی حالت آج بہتر ہوتی، عمران خان میں جھوٹ بولنے کا بہت حوصلہ ہے۔
مزیدپڑھیں: اسٹیبلشمنٹ سے پوچھتا ہوں، آپ نے کیسے ان کو ملک پر مسلط ہونے دیا؟ عمران خان
انہوں نے کہا کہ پی ایف یو جے، سی پی این ای سمیت عالمی میڈیا واچ کے اداروں نے بھی عمران خان کے میڈیا مخالف اقدامات کی تصدیق کی، میڈیا واچ کے عالمی اداروں نے عمران خان کو میڈیا اور آزادی صحافت کے لئے پریڈیٹر قرار دیا۔
مریم اورنگزیب نے کہا کہ آج یہ شخص کہہ رہا ہے کہ اسے آزاد میڈیا سے کوئی خوف نہیں تھا، جب پاکستان میڈیا ریگولیٹری اتھارٹی کا کالا قانون بنایا جا رہا تھا، اس وقت یہی شخص وزیراعظم تھا، عمران خان کے وزیر اطلاعات اور ان کے کرائے کے ترجمان میڈیا پر کمپین کرتے تھے۔
وزیراطلاعات کا مزید کہنا تھا کہ عمران خان جتنی محنت جھوٹ اور قوم کو گمراہ کرنے میں کرتے ہیں اگر اتنی حکومت میں کرلیتے تو صورت حال مختلف ہوتی۔
عمران خان نے جھوٹ بولنے میں ہٹلر کے مشیر کو بھی پیچھے چھوڑ دیا، فیصل کریم کنڈی
علاوہ ازیں ترجمان پیپلزپارٹی فیصل کریم کنڈی نے بھی عمران خان کی تقریر پر رد عمل دیتے ہوئے کہا کہ عمران خان نے جھوٹ بولنے میں ہٹلر کے مشیر اطلاعات گوئبلز کو بھی پیچھے چھوڑ دیا ہے۔
فیصل کریم کنڈی نے عمران خان سے سوال کیا کہ بھارتیوں اور غیر ملکیوں نے کونسی آزادی کیلئے فنڈنگ کی۔
انہوں نے کہا کہ عمران خان نے 4 سال میں معیشت اور خارجہ امور تباہ کر دیے، 2018 میں عمران خان کو اقتدار میں لانے والے بھی پشیمان تھے، عمران خان نے عارف نقوی سے مل کر اربوں ڈالر کی منی لانڈرنگ کی۔
فیصل کریم کنڈی علیم خان کی چوری کے قصے ابھی پرانے نہیں ہوئے تو بشرا کے ڈاکے منظر عام پر آئے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔