صارفین کو انٹرنیٹ سروس کی فراہمی بحال کردی، پی ٹی سی ایل

پاکستان ٹیلی کمیونی کیشن کمپنی لمیٹڈ (پی ٹی سی ایل) کی ملک بھر میں انٹرنیٹ سروس ڈاؤن ہونے کی شکایات سامنے آرہی ہیں تاہم پی ٹی سی ایل نے دعویٰ کیا ہے کہ سروس بحال کردی گئی۔

اطلاعات کے مطابق پی ٹی سی ایل کی ملک بھر میں انٹرنیٹ سروس متاثر ہوئی ہے جس کے سبب صارفین کو مشکلات کا سامنا ہے، نجی اداروں، گھروں اور دفاتر میں پی ٹی سی ایل نیٹ سروسز متاثر ہوئی ہے۔

ترجمان پی ٹی سی ایل نے سروس متاثر ہونے کی تصدیق کی ہے اور کہا ہے کہ شمال اور جنوب کے ڈیٹا نیٹ ورک میں خرابی پیدا ہوئی تاہم پی ٹی سی ایل فائبر آپٹیکل نیٹ ورک کی خرابی دور کردی گئی ہے۔

ترجمان نے مزید کہا ہے کہ پی ٹی سی ایل کی جانب سے صارفین کو انٹرنیٹ سروسز کی فراہمی بحال کردی گئی ہے، صارفین کو درپیش مشکلات کے لیے معذرت خواہ ہیں اور تعاون کے لیے شکر گزار ہیں۔

As reported by PTCL, issue has been reported in data networks between South and North which is causing internet connectivity issues.

This issue is being investigated. PTA is monitoring the situation and further updates will be shared.

— PTA (@PTAofficialpk) August 19, 2022