- ڈکیتی کے ملزمان سے رشوت لینے کا معاملہ؛ ایس ایچ او، چوکی انچارج گرفتار
- کراچی؛ ڈاکو دکاندار سے ایک کروڑ روپے نقد اور موبائل فونز چھین کر فرار
- پنجاب پولیس کا امریکا میں مقیم شہباز گِل کیخلاف کارروائی کا فیصلہ
- سنہری درانتی سے گندم کی فصل کی کٹائی؛ مریم نواز پر کڑی تنقید
- نیویارک ٹائمز کی اپنے صحافیوں کو الفاظ ’نسل کشی‘،’فلسطین‘ استعمال نہ کرنے کی ہدایت
- پنجاب کے مختلف شہروں میں ضمنی انتخابات؛ دفعہ 144 کا نفاذ
- آرمی چیف سے ترکیہ کے چیف آف جنرل اسٹاف کی ملاقات، دفاعی تعاون پر تبادلہ خیال
- مینڈھے کی ٹکر سے معمر میاں بیوی ہلاک
- جسٹس اشتیاق ابراہیم چیف جسٹس پشاور ہائی کورٹ تعینات
- فلاح جناح کی اسلام آباد سے مسقط کیلئے پرواز کا آغاز 10 مئی کو ہوگا
- برف پگھلنا شروع؛ امریکی وزیر خارجہ 4 روزہ دورے پر چین جائیں گے
- کاہنہ ہسپتال کے باہر نرس پر چھری سے حملہ
- پاکستان اور نیوزی لینڈ کا پہلا ٹی ٹوئنٹی بارش کی نذر ہوگیا
- نو منتخب امیر جماعت اسلامی حافظ نعیم نے اپنے عہدے کا حلف اٹھا لیا
- تعصبات کے باوجود بالی وڈ میں باصلاحیت فنکار کو کام ملتا ہے، ودیا بالن
- اقوام متحدہ میں فلسطین کی مستقل رکنیت؛ امریکا ووٹنگ رکوانے کیلیے سرگرم
- راولپنڈی میں گردوں کی غیر قانونی پیوندکاری میں ملوث گینگ کا سرغنہ گرفتار
- درخشاں تھانے میں ملزم کی ہلاکت؛ انکوائری رپورٹ میں سابق ایس پی کلفٹن قصور وار قرار
- شبلی فراز سینیٹ میں قائد حزب اختلاف نامزد
- جامعہ کراچی ایرانی صدر کو پی ایچ ڈی کی اعزازی سند دے گی
شہباز گل کے مزید جسمانی ریمانڈ کی استدعا معطل؛ پیر تک دوبارہ میڈیکل کرانے کا حکم
اسلام آباد کی مقامی عدالت نے پولیس کی جانب سے عمران خان کے چیف آف اسٹاف شہباز گل کے مزید جسمانی ریمانڈ کی استدعا کو معطل کرتے ہوئے پیر تک پمز اسپتال میں رکھنے اور دوبارہ میڈیکل کرانے کا حکم دے دیا۔
بغاوت کیس میں گرفتار شہباز گل کا جسمانی ریمانڈ مکمل ہونے پر انہیں اسلام آباد کی ڈسٹرکٹ سیشن عدالت میں پیش کیا گیا۔ پولیس نے مزید 8 روز کے فزیکل ریمانڈ کی استدعا کی تھی۔
شہباز گل نے احاطہ عدالت میں چلانا شروع کردیا، پولیس نے میرا ماسک چھین کر اتار دیا، مجھے آکسیجن ماسک دے دیں ، رات دو بجے تک مجھے یہ ٹیکے لگاتے رہے ہیں ، میں دمے کا مریض ہوں مجھے آکسیجن کی سخت ضرورت ہے۔
https://twitter.com/kmahmood969/status/1560512900577517573
پی ٹی آئی وکیل فیصل چوہدری ایڈووکیٹ نے جسمانی ریمانڈ کی مخالفت کرتے ہوئے کہا کہ شہباز گل کا اگر جسمانی ریمانڈ دیا گیا تو اس کے لیے جان کا خطرہ ہے۔
یہ بھی پڑھیں: شہباز گل کی میڈیکل رپورٹ سامنے آگئی
اسپیشل پبلک پراسیکیوٹر راجہ رضوان عباسی نے فزیکل ریمانڈ کی حمایت میں دلائل دیے کہ ملزم کی صحت کا ایشو نہیں ہے، عدالتی آرڈر کے بغیر بھی تفتیشی افسر ایمرجنسی طبی معائنہ کرا سکتا ہے، کہیں نہیں لکھا ہوا کہ کوئی بیمار ہو تو فزیکل ریمانڈ نہیں دیا جاسکتا، عدالت اگر فزیکل ریمانڈ دے بھی دیتی ہے تو تفتیشی افسر کی ذمہ داری ہے کہ وہ ملزم کی صحت کا خیال کرے، جیل ڈاکٹر نے بتایا ہے کہ جب ملزم ہمارے پاس آئے تو اس وقت اسے کوئی مسئلہ نہیں تھا اور رپورٹ نارمل تھی۔
شہباز گل نے جج سے کہا کہ میری اصل میڈیکل رپورٹ چھپا لی گئی اس کا کوئی ذکر نہیں۔
پولیس نے کہا کہ میڈیکل بورڈ نے ملزم کو طبی طور پر صحت مند قرار دیا لیکن وہ حیلے بہانوں سے خود کو بیمار ظاہر کر رہے ہیں، بیماری کا بہانا کرکے ملزم تفتیش میں رکاوٹ پیدا کرنا چاہتے ہیں لیکن حیلے بہانوں سے قانون کا راستہ نہیں روکا جاسکتا۔
مزید پڑھیں: عمران خان کل شہباز گل کی رہائی کے لیے ریلی نکالیں گے
سماعت کے بعد جوڈیشل مجسٹریٹ راجہ فرخ علی خان نے شہباز گل کو پیر تک پمز میں رکھنے اور دوبارہ میڈیکل کرانے کا حکم دے دیا۔ عدالت نے کہا کہ شہباز گل کو دمہ کا مرض ہے اس کے ٹیسٹ کرائیں، پیر تک دوبارہ میڈیکل رپورٹ جمع کرائیں، دو روزہ فزیکل ریمانڈ ابھی شروع ہی نہیں ہوا پیر کو رپورٹ کے بعد دیکھیں گے۔
جج راجہ فرخ علی خان نے کہا کہ شہباز گِل کی صحت ٹھیک نہیں انکو ہسپتال منتقل کیا جائے، اگر شہباز گل کی حالت درست ہوتی تو اسے ایمبولینس میں کیوں لایا جاتا۔
عدالتی فیصلہ
عدالتی فیصلے میں کہا گیا کہ شہباز گل کے مزید جسمانی ریمانڈ کی استدعا کو معطل کیا جاتا ہے، شہباز گل فٹ تھے تو پھر ایمبولینس میں ویل چیئرپر عدالت کیوں لایا گیا۔
عدالتی حکمنامہ میں کہا گیا کہ حقائق بتاتے ہیں ڈاکٹرز اور پولیس دونوں شہباز گل کی صحت سے متعلق مطمئن نہیں، عدالت میں شہباز گل کو سانس لینے میں دشواری کا سامنا رہا، عدالت میں شہباز گل کو آکسیجن سلیںنڈر فراہم کیا۔
یہ بھی پڑھیں: شہباز گل پر ذہنی اور جسمانی تشدد کے ساتھ جنسی زیادتی بھی شامل ہے، عمران خان
عدالتی فیصلے میں کہا گیا کہ اسلام آباد پولیس کی جانب سے 8 روزہ جسمانی ریمانڈ کی استدعا کی گئی، عدالت 8 روزہ جسمانی ریمانڈ کی استدعا کو منظور نہیں کرسکتی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔