تیزگام ٹرین میں مجرا کروانے والے دو افراد گرفتار

 لاہور: ریلوے پولیس نے تیزگام ایکسپریس ٹرین میں خواجہ سراؤں کو بلوا کر مجرا کروانے والوں میں سے دو افراد کو گرفتار کرلیا۔

‏پولیس کے مطابق تیزگام واقعے میں ملوث ٹرین مینیجر رانا اظہر اور ڈائننگ کار مینیجر ارسلان کو گرفتار کرکے تفتیش شروع کر دی ہے، ریلوے پولیس نے مقدمہ بھی درج کرلیا ہے۔

مزید پڑھیں؛ تیزگام میں مجرے پر ٹرین انتظامیہ کو شوکاز نوٹس

واضح رہے کہ چند روز قبل چلتی ٹرین میں خواجہ سراؤں کا ڈانس سوشل میڈیا پر وائرل ہوا تھا جس کے بعد وزارت ریلوے نے واقع کا نوٹس لیتے ہوئے سخت کارروائی کی ہدایت کی تھی۔