بھارتی اداکارہ سونم کپور کے ہاں ننھے مہمان کی آمد

ممبئی: بالی ووڈ کی مشہور فیشن آئیکون اداکارہ سونم کپور اور آنند آہوجا کے ہاں آج بیٹے کی پیدائش ہوئی ہے۔

اداکارہ سونم کپور نے سوشل میڈیا پر مداحوں کے ساتھ یہ خوشخبری شیئر کی ہے کہ اُن کے ہاں آج بیٹے کی پیدائش ہوئی ہے اداکارہ نے کہا کہ آج کا دن ان کی زندگی کا بہترین دن ہے۔

View this post on Instagram

A post shared by Sonam Kapoor Ahuja (@sonamkapoor)

اداکارہ نے پوسٹ میں لکھا کہ ’آج 20 اگست کے دن ہم نے اپنے پہلے بچے کو دنیا میں خوش آمدید کہا ہے، ہم شکریہ ادا کرتے ہیں ڈاکٹرز، نرسز، رشتہ داروں اور اپنے دوستوں کا جنہوں نے اس سفر میں ہمارا ساتھ دیا اور ہمیں سہارا دیا، یہ ایک شروعات ہے آج سے ہماری زندگی ہمیشہ کیلئے بدلنے والی ہے‘۔

نیتو کپور نے بھی اس پوسٹ کا اسکرین شاٹ اپنی انسٹا اسٹوری پر شیئر کرتے ہوئے اس میں سونم کپور کے والد انیل کپور اور والدہ سونیتا کپور کو بھی ٹیگ کیا اورانہیں مبارکباد دی۔

سونم کپور کے رشتہ داروں دوستوں اور مداحوں کی جانب سے بھی اداکارہ اور ان کے بیٹے کیلئے نیک خواہشات کا اظہار کیا جا رہا ہے۔

View this post on Instagram

A post shared by Sonam Kapoor Ahuja (@sonamkapoor)

یاد رہے کہ اداکارہ سونم کپور اور بھارتی بزنس مین آنند آہوجا 8 مئی 2018 میں رشتہ ازدواج میں منسلک ہوئے تھے۔