واٹس ایپ اسٹیٹس فیچر میں اہم تبدیلی متعارف کرانے جارہا ہے

ویب ڈیسک  پير 22 اگست 2022
(فوٹو: فائل)

(فوٹو: فائل)

کیلیفورنیا: انسٹینٹ میسجنگ ایپلی کیشن واٹس ایپ نے حال ہی میں صارفین کے لیے کئی اہم فیچر متعارف کرائے ہیں جن میں مخصوص لوگوں سے اپنا آن لائن اسٹیٹس چھپانا، بغیر اطلاع کے گروپ چھوڑنا وغیرہ شامل ہیں۔ اب واٹس نے اپنے بِیٹا صارفین کے لیے اسٹیٹس کے متعلق اہم فیچر متعارف کرانے جارہاہے۔

میڈیا رپورٹس کے مطابق واٹس ایپ کی جانب سےمتعارف کرائے گئے آئی او ایس اور اینڈرائیڈ کے تازہ ترین بِیٹا ورژن میں صارفین کی چیٹ لسٹ میں اسٹیٹس ظاہر ہو رہے ہیں۔

وائرل ہونے والے اسکرین شاٹ میں دیکھا جاسکتا ہے واٹس ایپ پر لگائے جانے والے اسٹیٹس اب کچھ بِیٹا صارفین کی چیٹ لسٹ میں نمایاں ہو رہے ہیں۔تاہم، اسٹیٹس کا ٹیب اپنی جگہ برقرار ہے۔

wattu

نئی یوزر انٹرفیس تبدیلی صرف ایک شاٹ کٹ کے طور پر سامنے آئی ہے نہ کہ یہ مذکورہ ٹیب کی جگہ لے گی۔

یہ نئی تبدیلی مخصوص بِیٹا صارفین جو فیچرز کی آزمائش کرتے ہیں ان کے لیے دستیاب ہے۔ تاہم، تشکیل کے مراحل سے گزرنے والی اس فیچر کے عام سطح پر اجراء کے لیے صارفین کو انتظار کرنا پڑے گا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔