- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
چار آسان عادات اپنا کر موٹاپے کو روکا جاسکتا ہے
کراچی: موٹاپا خود درجنوں امراض کی وجہ ہے جو اب عالمی بحران بن چکا ہے۔ تاہم غذائی تدابیر، ورزش اور احتیاط سے آپ اس مرض سے دور رہ سکتے ہیں۔ اس ضمن میں اقوامِ متحدہ کے ذیلی ادارے عالمی ادارہ برائے صحت (ڈبلیو ایچ او) نے بعض انتہائی بنیادی ہدایت دی ہیں جن پر عمل کرکے ہم موٹاپے کے ساتھ ساتھ کئی امراض سے بچ سکتے ہیں۔
اس میں سب سے اہم بات تو یہ ہے کہ ورزش کو باقاعدگی سے اپنایا جائے اور زیادہ دیربے کار بیٹھے رہنے سے گریز کیا جائے۔ تاہم دیگر اہم تدابیر میں یہ شامل ہیں۔
چینی اور نمک سے پرہیز
شکرخوری ہمارے عہد کا ایک خوفناک عارضہ بن کر اب ذیابیطس کی صورت میں ہم سے انتقام لے رہی ہے۔ دنیا کےتمام ماہرین متفق ہیں کہ شکرکم کرنے سے بہت سے فوائد فوری حاصل ہوتے اور موٹاپے میں کمی واقع ہوتی ہے۔ شکرکھانے کی اندھا دھند عادت ذیابطس کی وجہ بنتی ہے جو خود بلڈ پریشر، امراضِ قلب اور کولیسٹرول بڑھانے میں بالواسطہ یا بلاواسطہ کردار ادا کرتی ہے۔
دوسری اہم شے نمک کا کم سے کم استعمال ہے۔ آج کے تیزرفتار دور میں فاسٹ فوڈ، چپس اور پیزا وغیرہ میں نمک کی غیرمعمولی بھرمار ہوتی ہے۔ عالمی ادارہ صحت کے مطابق ایک بالغ کو روزانہ پانچ گرام سے اوپر نمک کسی طور پر نہیں کھانا چاہیے۔ نمک ہمیں فربہی کی جانب دھکیلتا ہےاور اس سے بھی پہلے ہمیں بلڈ پریشر کا عارضہ لاحق ہوسکتا ہے۔
یہی وجہ ہے شکر اور نمک سے احتراز کرنا بہت ضروری ہے۔
چکنائیوں سے انکار
روغنی کھانے، چکنائی بھری اشیا ہماری صحت کو بری طرح متاثر کررہی ہیں۔ ایک جانب تو یہ کولیسٹرول بڑھارہی ہیں تو دوسری جانب بلڈ پریشر سمیت کئی عارضوں کو بڑھا رہی ہیں۔ یہی وجہ ہے کہ چکنائی بھری اشیا سے مکمل پرہیز ضروری ہے۔ چکنائی دھیرے دھیرے ہمارے جسم میں چربی کی صورت میں جمع ہوتی ہیں اور ہمارا وزن بڑھاتی رہتی ہیں۔
متوازن غذا
اگرچہ متوازن غذاؤں پر بہت بحث ہوتی رہتی ہے لیکن ماہرین کہتے ہیں کہ تمام ضروری اجزا اور وٹامن، پروٹین اور دیگر اجزا پر مشتمل غذا ہی ایک متوازن خوراک بناتی ہے۔ اس میں پھل، سبزیاں، گوشت، انڈے، دالیں اور دیگر اجناس شامل ہیں۔ یہی وجہ ہے کہ متوازن غذا جسم کے افعال کو بھی معتدل رکھتی ہیں اور یوں موٹاپا دور رہتا ہے۔
مشروب
کھانے کے بعد پینے کا ذکر بہت ضروری ہے۔ فیشن کے تحت شکروالے مشروبات، سافٹ ڈرنکس اور انرجی ڈرنکس سے مکمل اجتناب ایک اچھی عادت ہے۔ بعض تحقیقات سےثابت ہوا ہے کہ کولا اور دیگر میتھے مشروبات موٹاپے کی اہم وجہ ہے۔ لیکن یہ مشروبات شکر سے بھرپور ہوتے ہیں جن سے ہم پہلے ہی خبردار کرچکے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔