‏میں ہر روز زیادہ خطرناک ہوتا جا رہا ہوں، عمران خان

ویب ڈیسک  جمعرات 1 ستمبر 2022
انسداد دہشت گردی عدالت نے عمران خان کی ضمانت میں 12 ستمبر تک توسیع کردی

انسداد دہشت گردی عدالت نے عمران خان کی ضمانت میں 12 ستمبر تک توسیع کردی

 اسلام آباد: سابق وزیر اعظم عمران خان نے انسداد دہشت گردی عدالت میں پیشی کے موقع پر کہا کہ میں ہر گزرتے دن کیساتھ خطرناک ہوتا جارہا ہوں۔

ان خیالات کا اظہار سابق وزیراعظم و چیئرمین پاکستان تحریک انصاف عمران خان نے انسداد دہشت گردی عدالت کے باہر میڈیا سے گفتگو کرتے ہوئے کیا۔

انسداد دہشت گردی عدالت میں پیشی کے موقع پر صحافیوں کی جانب سے چیئرمین پی ٹی آئی سے مختلف سوالات پوچھے گئے جس کے جواب میں عمران خان نے بس ایک جواب دیا ’میں ہر روز زیادہ خطرناک ہوتا جارہا ہوں‘۔

مزید پڑھیں : عمران خان انسداد دہشتگردی عدالت میں پیش، ضمانت میں توسیع

خیال رہے کہ کچھ دیر قبل چیئرمین پی ٹی آئی عمران خان خاتون جج اور پولیس افسران کو دھمکی دینے پر دہشت گردی کے مقدمے انسداد دہشت گردی کی عدالت میں پیش ہوئے، جہاں عدالت نے ان کی ضمانت میں 12 ستمبر تک توسیع کردی۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔