جمائما اپنی فلم کے خصوصی شو کی آمدنی پاکستانی سیلاب زدگان کو دیں گی

ویب ڈیسک  جمعـء 2 ستمبر 2022
جمائما گولڈ اسمتھ کی فلم کے خصوصی شو میں 20 افراد شرکت کریں گے:فوٹو:فائل

جمائما گولڈ اسمتھ کی فلم کے خصوصی شو میں 20 افراد شرکت کریں گے:فوٹو:فائل

 لندن: پی ٹی آئی کے چئیرمین عمران خان کی سابق اہلیہ  جمائما گولڈ اسمتھ نے اپنی فلم کے خصوصی شو کی آمدنی پاکستان کے سیلاب زدگان کو دینے کا اعلان کردیا۔

جمائما گولڈ اسمتھ نے ٹوئٹر پر پیغام میں کہا کہ وہ  اپنی آنے والی فلم ’واٹس لو گاٹ ٹو ڈو ود اٹ‘ کے خصوصی شو کا اہتمام کررہی ہیں جسے 20 افراد دیکھ سکیں گے۔

جمائما کا مزید کہنا تھا کہ فلم کی ریلیز سے قبل خصوصی شو کا مقصد پاکستان کے سیلاب زدگان کی مدد کرنا ہے۔ اس خصوصی شو کی آمدنی پاکستان کے سیلاب متاثرین کے لئے دی جائے گی۔سابق وزیراعظم بے نظیر بھٹو کی بھتیجی فاطمہ بھٹو فلم کی خصوصی اسکریننگ میں جمائما گولڈ اسمتھ کے ساتھ کو ہوسٹ ہوں گی۔

پاکستانی اداکارہ سجل علی بھی جمائما گولڈ اسمتھ کی فلم ’واٹس لو گاٹ ٹو ڈو ود اٹ‘ کی کاسٹ میں شامل ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔