منظور وسان کو بڑا ریلیف مل گیا، آمدن سے زائد اثاثوں پر نیب انکوائری بند

کورٹ رپورٹر  جمعـء 2 ستمبر 2022
سندھ ہائی کورٹ نے نیب پراسیکیوٹر کے جواب پر درخواست نمٹادی۔ (فوٹو فائل)

سندھ ہائی کورٹ نے نیب پراسیکیوٹر کے جواب پر درخواست نمٹادی۔ (فوٹو فائل)

 کراچی: سندھ ہائی کورٹ نے مشیر زراعت سندھ منظور وسان کے خلاف آمدن سے زائد اثاثہ جات بنانے سے متعلق نیب انکوائری  بند ہونے پر درخواست ضمانت نمٹا دی۔

آمدن سے زائد اثاثہ جات بنانے کے کیس  میں منظور وسان کی درخواست ضمانت پر سماعت کے دوران نیب پراسیکیوٹر نے عدالت کو بتایا کہ منظور وسان کے خلاف شواہد نہیں ملے۔

عدالت نے استفسار کیا کہ بتائیں، انکوائری سے متعلق کیا فیصلہ ہوا؟ جس پر نیب پراسیکیوٹر نے مؤقف دیا کہ منظور وسان کے خلاف انکوائری بند کردی گئی ہے۔

بعد ازاں نیب پراسیکیوٹر کے جواب پر عدالت نے منظور وسان کی درخواست ضمانت نمٹا دی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔