- فلاح جناح کی اسلام آباد سے مسقط کیلئے پرواز کا آغاز 10 مئی کو ہوگا
- برف پگھلنا شروع؛ امریکی وزیر خارجہ 4 روزہ دورے پر چین جائیں گے
- کاہنہ ہسپتال کے باہر نرس پر چھری سے حملہ
- پاکستان اور نیوزی لینڈ کا پہلا ٹی ٹوئنٹی میچ بارش کے باعث تاخیر کا شکار
- نو منتخب امیر جماعت اسلامی حافظ نعیم نے اپنے عہدے کا حلف اٹھا لیا
- اقوام متحدہ میں فلسطین کی مستقل رکنیت؛ امریکا ووٹنگ رکوانے کیلیے سرگرم
- راولپنڈی میں گردوں کی غیر قانونی پیوندکاری میں ملوث گینگ کا سرغنہ گرفتار
- درخشاں تھانے میں ملزم کی ہلاکت، سابق ایس پی کلفٹن براہ راست ملوث ہونے کا انکشاف
- شبلی فراز سینیٹ میں قائد حزب اختلاف نامزد
- جامعہ کراچی ایرانی صدر کو پی ایچ ڈی کی اعزازی سند دے گی
- خیبر پختونخوا میں بیوٹی پارلرز اور شادی ہالوں پر فکسڈ ٹیکس لگانے کا فیصلہ
- سعودی عرب میں قرآنی آیات کی بے حرمتی کرنے والا ملعون گرفتار
- سائنس دان سونے کی ایک ایٹم موٹی تہہ ’گولڈین‘ بنانے میں کامیاب
- آسٹریلیا کے سب سے بڑے کدو میں بیٹھ کر شہری کا دریا کا سفر
- انسانی خون کے پیاسے بیکٹیریا
- ڈی آئی خان میں دہشتگردوں کی فائرنگ سے بچی سمیت 4 کسٹم اہلکار جاں بحق
- سینیٹر مشاہد حسین نے افریقا کے حوالے سے پاکستان کے پہلے تھنک ٹینک کا افتتاح کردیا
- گوگل نے اسرائیل کیخلاف احتجاج کرنے والے 28 ملازمین کو برطرف دیا
- آپریشن رجیم میں سعودی عرب کا کوئی کردار نہیں، عمران خان
- ملک کو حالیہ سیاسی بحران سے نکالنے کی ضرورت ہے، صدر مملکت
گدھے کی 9 ہزار کھالیں بیرون ملک اسمگل کرنے کی کوشش ناکام
کراچی: پاکستان کسٹمز ایکسپورٹ کلکٹریٹ کراچی نے مس ڈیکلریشن کے ذریعے نمک اور رومال کے کنسائنمنٹ کی آڑ میں گدھے کی کھالیں اسمگل کرنے کی کوشش ناکام بنادی۔
ذرائع نے ایکسپریس نیوز کو بتایا کہ کلکٹرایکسپورٹ کو ایک خفیہ اطلاع موصول ہوئی کہ گرین چینل کے ذریعے ہانگ کانگ برآمد کیے جانے والے ایک برآمدی کنسائنمنٹ میں نمک اور رومال کی آڑ میں ممنوع اشیا کی اسمگلنگ کی کوشش کی جارہی ہے۔
حکام کی جانب سے ہانگ کانگ برآمد ہونے والے کنسائنمنٹس کی سخت نگرانی اور فزیکل ایگزامنیشن کے علاوہ دستاویزات چیک کی گئیں تو انکشاف ہوا کہ برآمدکنندہ میسرز خان ٹریڈرز کی جانب سے محکمہ کسٹمز میں داخل دستاویزات میں نمک اور رومال ظاہر کیا گیا جب کہ حقیقتاً کنسائمنٹ سے 9ہزار 650کلوگرام گدھے کی کھالیں برآمدہوئیں۔
ذرائع نے بتایاکہ ابتدائی تفتیش سے اس امرکی نشاندہی ہوئی ہے کہ میسرز المقتدر سروسز کے خالد مقتدر نے گدھے کی کھالوں کے لیے فریٹ فاروڈر میسرز سی یونائیٹڈ لاجسٹک کے ذریعے کنٹینر بک کروایا تھا جبکہ کلیئرنگ ایجنٹ میسرز ٹریڈلنک انٹرنیشنل نے برآمدکنندہ میسرز خان ٹریڈرز کی مبینہ ملی بھگت سے گدھے کی کھالیں اسمگل کرنے کی کوشش کی۔
محکمہ کسٹمز کی جانب سے معاملے کا باقاعدہ مقدمہ درج کرکے تحقیقات شروع کردی گئی ہیں۔ ایف آئی آر کے مطابق میسرزخان ٹریڈرز نے مس ڈیکلریشن کے ذریعے نمک اور رومال کے کنسائنمنٹ کی آڑ میں گدھے کی کھالیں ہانگ کانگ اسمگل کرنے کی کوشش کی ہے۔
واضح رہے کہ حکومت کی جانب سے گدھے کی کھالیں برآمد کرنے پر پابندی عائد ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔